Rada staličnaj arhanizacyi Partyi BNF pryniała rašeńnie nie vyłučać delehataŭ na niečarhovy źjezd
jaki adbudziecca 29 maja.
Adpaviednaje rašeńnie było pryniata 17 maja na jaje pasiadžeńni, paviedamiŭ staršynia Minskaj haradskoj arhanizacyi Viktar Ivaškievič.
Nahadajem, 11 maja častka členaŭ staličnaj arhanizacyi partyi vykazała niazhodu adnosna vyłučeńnia delehataŭ źjezdu. U adpaviednaści z rašeńniem sojmu ad 18 krasavika kandydaty ŭ deputaty na miascovych vybarach hetaha hoda mahli zaprasić na źjezd u jakaści delehataŭ troch členaŭ partyi. 15 maja sojm źmianiŭ svajo rašeńnie. Ciapier vyłučać delehata na źjezd mohuć 10 pradstaŭnikoŭ piarvičnaj partyjnaj arhanizacyi, a nie 20, jak raniej. Akramia taho, kandydat u deputaty miascovych savietaŭ zmoža zaprasić na źjezd tolki adnaho pradstaŭnika partyi.
Niahledziačy na heta, rada staličnaj arhanizacyi Partyi BNF bolšaściu hałasoŭ vykazałasia suprać udziełu ŭ źjeździe.
«My nie možam zhadzicca z rašeńniem sojma, kali na źjezd zaprašajecca niejkaja pryvilejavanaja častka partyi», — skazaŭ Ivaškievič.
Razam z tym jon adznačyŭ, što častka členaŭ staličnaj arhanizacyi partyi voźmuć udzieł u źjeździe. «Prosta zabaranić im heta nielha. Naprykład, uprava partyi moža sabrać aktyvistaŭ i vyłučyć ich na źjezd», — skazaŭ jon.
Pavodle słoŭ Ivaškieviča, častka členaŭ partyi, jakaja pryniała rašeńnie nie ŭdzielničać u źjeździe 29 maja, «budzie zajmacca mierapryjemstvami pa padrychtoŭcy da ŭdziełu ŭ prezidenckaj kampanii».
Nieabchodna adznačyć, što asnoŭnaje pytańnie praviadzieńnia niečarhovaha źjezda Partyi BNF — vyznačeńnie farmatu ŭdziełu partyi ŭ prezidenckich vybarach 2011 hoda. Na sojmie 15 maja častka aktyvistaŭ partyi vykazałasia za padtrymku lidera ruchu «Za Svabodu» Alaksandra Milinkieviča ŭ jakaści kandydata ŭ prezidenty, druhaja častka była kateharyčna suprać, ličačy, što ŭdzielničać u vybarach pavinien ci partyjny kandydat, ci adziny kandydat ad apazicyi.
-
Ivan Prus raskazaŭ, jak nažyŭsia na 200 dalaraŭ, pasialiŭšy kinazorku va ŭbitaj kvatery kala zvałki ŭ Šabanach, abstaŭlenaj rečami ź jaho internata
-
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
-
Litoŭskija pamiežniki znajšli na miažy ź Biełaruśsiu partyju cyharet na 260 tysiač jeŭra
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary