12 lutaha Alaksandr Łukašenka padpisaŭ ukaz «Ab zabieśpiačeńni vypłaty zarabotnaj płaty i ŭznaharodžańniaŭ», paviedamlaje pres-słužba palityka.
Zhodna z dakumientam, Departamient dziaržaŭnaj inśpiekcyi pracy atrymaŭ prava vydavać abaviazkovyja dla vykanańnia pradpisańni, kali vyjaŭlajucca fakty niavypłaty abo niapoŭnaj vypłaty ŭ vyznačany termin nie tolki zarobku, ale i ŭznaharodžańniaŭ pa hramadzianska-pravavych damovach.
Kali pradpryjemstvy nie vykonvajuć hetyja patrabavańni, zapazyčanaść budzie spahaniacca ŭ pazasudovym paradku. U takim vypadku departamient źviartajecca ŭ orhany prymusovaha vykanańnia ź inicyjatyvaj ab pačatku vykanaŭčaj vytvorčaści ŭ intaresach rabotnika.
Akramia taho, ukaz praduhledžvaje ŭzmacnieńnie sacyjalnaj abarony: suma pazačarhovych płaciažoŭ, jakija spahaniajucca z najmalnikaŭ dla vypłaty zapazyčanaści ŭ zarobku, pavialičvajecca z paŭtara da troch biudžetaŭ pražytkovaha minimumu.
Kamientary