Maładziečanskaja fiermierka, čyju siadzibu atakavali čužyja karovy, raskazała, jak vyrašyli jaje prablemu
Nastaśsia Čarniaŭskaja, uładalnica fiermy «Siŭka-burka» i ahrasiadziby «Mara dziacinstva», raskazała ŭ tyktoku, jak vyrašyłasia jaje prablema sa statkam čužych karoŭ, jakija prychodzili na jaje ŭčastak i nanosili škodu.
Paśla taho, jak žančyna dvojčy źviarnułasia ŭ prakuraturu, haspadaram karoŭ pastavili vysoki płot, kab žyvioły bolš nie vychodzili na čužuju terytoryju. Nastaśsia nie ŭdakładniła, za čyj košt heta było zroblena, ale adznačyła, što padramantavać jaje aharodžu nichto nie prapanoŭvaŭ.
«Haspadaram karoŭ pastavili płot, zastałosia zavieźci karmy i naniać pastucha», — iranizuje jana.
Ciapier karovy pakul što nie prychodziać i ŭładalnica fiermy ad ich adpačyvaje. Ale jaje aburaje, što jana, jak paciarpiełaja, pavinna ŭsio kidać i niekudy jeździć pa instancyjach, kali dzień karotki, maroz, a pracy šmat. U toj ža čas da niadbajnych susiedziaŭ usie instancyi pryjazdžajuć sami i navat dapamahajuć zamiest taho, kab pakarać.
U kamientarach ludzi taksama dziviacca novamu płotu i vykazvajuć zdahadki, chto jaho moh apłacić.
Pra prablemu stała viadoma nočču 4 lutaha, kali Nastaśsia z mužam try razy adhaniali čužy statak ad svajho ŭčastka. Paśla hetaha žančyna chadziła skardzicca, ale ŭ milicyi i prakuratury ŭ jaje praviarali telefon i pravodzili hutarku ab «ekstremiźmie».
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?7
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna1919
Kamientary