Udar pa chimzavodzie ŭ Smalenskaj vobłaści — kolkaść achviar vyrasła da siami
Kolkaść zahinułych u vyniku maštabnaj ataki bieśpiłotnikaŭ na chimičny zavod «Darahabuž» pavialičyłasia da siami čałaviek. Jašče jak minimum dziesiać atrymali ranieńni roznaj stupieni ciažkaści. Hetyja źviestki paviedamiŭ Śledčy kamitet RF.
Ataka adbyłasia ŭ noč na sieradu. Pavodle danych SK RF, u atacy ŭdzielničali nie mienš za 30 bieśpiłotnikaŭ. Častka dronaŭ była źbitaja siłami SPA, adnak astatnija zmahli dasiahnuć terytoryi pradpryjemstva.
«Z pryčyny detanacyi vybuchovych pryład paciarpieli hramadzianskija asoby, ź jakich zahinuli 7 čałaviek, nie mienš za 10 atrymali ranieńni. Paškodžanyja elemienty infrastruktury zavoda, budynak pažarnaj častki, śpiecyjalny aŭtamabil dla tušeńnia pažaraŭ, čym ułaśnikam pryčynienaja značnaja majomasnaja škoda», — raspaviali va ŭstanovie.
SK RF raspačaŭ spravu pa artykule «Terakt».
Hubiernatar Smalenskaj vobłaści Vasil Anochin uvioŭ abmiežavańni ŭ horadzie: škoły pieraviedzieny na dystancyjnaje navučańnie, zaniatki ŭ dziciačych sadkach admienieny.
Pakul niama dakładnych danych nakont zabrudžvańnia pavietra — zavod śpiecyjalizujecca na vytvorčaści niebiaśpiečnych rečyvaŭ: amijaku, amijačnaj saletry i azotnaj kisłaty.
Chimzavod «Darahabuž» u Smalenskaj vobłaści — abjekt padvojnaha pryznačeńnia. Jon vyrablaje azotnyja ŭhnajeńni, ale adnačasova jaho amijak i amijačnaja saletra — syravina dla vybuchoŭki.
Ciapier čytajuć
Škołu dla dziaciej ź psichičnymi asablivaściami ŭ Minsku pierarobiać u kadeckaje vučylišča. Da realizacyi išli 18 hadoŭ12
Kamientary
Nie . Tut pachniet hiejparadom . Čto diełali malčiki v trusikach, noċju , v fievrale miasiacie , vdali ot vojenkomata ?