Biełarusy pamiatajuć časy, kali pajezdka ŭ Polšču pa bytavuju techniku była zvykłym sposabam aščadžać. Televizary, smartfony i drobnaja bytavaja technika kaštavali prykmietna tańniej, a Tax Free dazvalaŭ viarnuć častku koštu pakupki. Zaraz sankcyi i vizavyja abmiežavańni staviać pad pytańnie mahčymaść takoha vyjhryšu. Tym nie mienš achvotnyja kuplać tavary ŭ Polščy zastalisia. Vydańnie Most paraŭnała ceny papularnaj techniki ŭ dźviuch krainach i vyśvietliła, što racyjanalniej nabyvać u Biełarusi, a što maje sens uvozić z Polščy.
Mnohija pazicyi elektroniki i bytavoj techniki ŭvachodziać u sankcyjny śpis, ich nielha vyvozić u Biełaruś. Heta tyčycca płoskich televizaraŭ, telefonaŭ, aŭdyja– i videaaparatury i šerahu inšych tavaraŭ. Tym nie mienš, pryvatnyja asoby i bajery, jakija voziać pradukcyju pad zakaz, znachodziać ščyliny, kab abyści abmiežavańni. Naprykład, zajaŭlajuć elektroniku jak užyvanuju, raźbirajuć jaje i ŭvoziać jak častki i hetak dalej. Prakansultavaŭšysia z pradprymalnikami, jakija vykonvajuć takija zakazy, Most unios u pieralik paraŭnalnych tavaraŭ i pazicyi, jakija achoplenyja sankcyjami.
Televizary
Televizary tradycyjna byli adnoj z samych papularnych katehoryj dla vyvazu z Polščy. Naprykład, Samsung z dyjahanallu 50 calaŭ, padtrymkaj 4K UHD i Smart TV u biełaruskich kramach pradajecca pa 1499 rubloŭ, tady jak u polskich sietkach kaštuje 1799 złotych (prykładna 1434 rubli — tut i dalej pieralik vykanany pa kursach Nacbankaŭ Biełarusi i Polščy na 26 lutaha 2026 hoda).
Na bolš bujnych i prasunutych madelach roźnica bolš zaŭvažnaja. TCL 75QLED780K z dyjahanallu 75 calaŭ, QLED-ekranam i Google TV u Biełarusi kaštuje 3402 rubli, a ŭ Polščy — 3499 złotych (prykładna 2790 rubloŭ).
Pakolki televizary ŭvachodziać u pieralik tavaraŭ, na jakija raspaŭsiudžvajucca sankcyjnyja abmiežavańni, aformić Tax Free nie atrymajecca, a pry pierasiačeńni miažy varta čakać prablem. Ale, jak adznačaje surazmoŭca Most, jaki zajmajecca pieravozkaj tavaraŭ, niekatoryja pakupniki ŭsio ž sprabujuć pravozić takuju elektroniku, i «kamuści heta ŭdajecca».
Robaty-pyłasmoki
Heta taksama pryvabny dla biełarusaŭ tavar. Naprykład, Xiaomi Robot Vacuum 5 Pro u biełaruskich kramach pradajecca prykładna pa 2899 rubloŭ, a ŭ Polščy jaho možna kupić pa 2588 złotych (kala 2060 rubloŭ).
Sa słoŭ surazmoŭcy, jaki rehularna pieravozić tavary praź miažu, pyłasmoki pa mytnym kodzie nie adnosiacca da sankcyjnych tavaraŭ, «ale ŭ kožnaha mytnika svajo bačańnie — chtości adpraŭlaje na razvarot, chtości prapuskaje».
Bujnaja bytavaja technika
U hrupie posudamyjki siaredniaha siehmientu roźnica ŭ cenach taksama adčuvalnaja. Whirlpool WIO 3T226 PFG u biełaruskich kramach kaštuje 1799 rubloŭ, a ŭ Polščy — 1659 złotych (prykładna 1322 rubli).
Aficyjna posudamyjki ŭklučanyja ŭ sankcyjnyja pieraliki. Tym nie mienš, pavodle słoŭ surazmoŭcy, niekatoryja pakupniki ŭsio ž pravoziać ich praź miažu. Padobnyja paviedamleńni sustrakajucca i ŭ prymiežnych čatach. «Asabista bačyła, jak šopiery na Brest vieźli», — napisała adna z udzielnic abmierkavańnia temy.
Duchavuju šafu BOSCH na polskich markietpłejsach možna kupić za 1629 złotych (kala 1300 rubloŭ). Anałahičnaja madel u biełaruskich kramach kaštuje 2399 rubloŭ.
Drobnaja technika i smartfony
A voś drobnuju bytavuju techniku, naprykład aerahryl HF-3030 mahutnaściu 1500 Vt z vaśmiu prahramami, praściej kupić u Biełarusi, dzie jon kaštuje 299 rubloŭ. U Polščy jon abydziecca prykładna ŭ tyja ž hrošy — 349 złotych (kala 280 rubloŭ).
Apple iPhone 17 Pro z pamiaćciu 256 GB papularnaha aranžavaha koleru ŭ biełaruskich kramach kaštuje kala 5099 rubloŭ. U polskich sietkach, naprykład MediaMarkt, cana składaje 5599 złotych (kala 4460 rubloŭ).
Adnak smartfony taksama ŭvachodziać u sankcyjnyja pieraliki: pry sprobie vyvazu z Polščy mohuć być prablemy.
Biełarusy raskazvajuć, jakija pradukty vykidajuć na ŭjeździe ŭ Polšču, a za što i štrafujuć
Jak adkryćcio miažy z Polščaj paŭpłyvała na žyćcio ŭ rehijonie? Pahutaryli z hrodziencami pra pajezdki na zakupy, padarožžy i čaŭnakoŭ
«Kali b u Biełarusi ŭsio było dobra, to vašy b nie jechali siudy pa kaŭbasu». Repartaž z prymiežnych Babroŭnikaŭ
Ciapier čytajuć
Kalekcyju karcin Viktara Babaryki raspradajuć ź vialikimi źnižkami. Ale biez samaha darahoha dla jaho tvora4
Kamientary