Tomas Tykver, aŭtar uciakački Łoły j uračystaha «Raju» znajšoŭ, jak uvasobić u kino korstkaje piekła.
Parfumer: historyja adnaho zabojcy (Parfum - Die Geschichte eines Moerders / Perfume: The Story of a Murderer)
Niamieččyna – Francyja – Hišpanija, 2006, kalarovy, 114 chv.
Žanr: Filazofski trymcieńnik pavodle ramanu Patryka Ziuskinda
Adznaka: 7,5 (z 10)
Raman Patryka Ziuskinda vyklikaŭ zachapleńnie ŭ čytačoŭ i razhublenaść režyseraŭ. Historyja hienijalnaha parfumnika z 18 stahodździa Žana-Batysta Hrenuja, jaki zabivaje dziaŭčatak, nie była pryznačanaja dla ekranu.
Tomas Tykver, aŭtar uciakački Łoły j uračystaha «Raju» znajšoŭ, jak uvasobić u kino korstkaje piekła. Detali cieła, rasfokus, viazki klipavy mantaž z čarviami j pacukami, tonkija noty čaroŭnych vodaraŭ (Tykver adzin z muzykaŭ karciny). Ale samy trapny adpaviednik niaŭłoŭnaha śvietu pachaŭ – duchmianaje carstva koleraŭ.
Piaščotna-kičavyja fijaletavyja paletki, žoŭtyja pialostki ružaŭ, čyrvona-rudyja vałasy pryhažuni – usie jany stanoviacca akordami ŭ idealnym vodary, jaki syntezuje złačynny hieroj.
Brytanski aktor Ben Ŭišoŭ hraje mańjaka-parfumnika zaciata, z rezkimi ruchami j medytatyŭnaj zasiarodžanaściu. Dastyn Chofman (u roli nastaŭnika Hrenuja) – teatralna-stomleny, Ełan Rykman (hałoŭny vorah hieroja) – manalitna-manumentalny.
Ekranizacyja ramanu starannaja, dakładnaja, akademičnaja.
Ale va ŭsim hetym jość niejkaja łabavaja liniejnaść, byccam «parfuma» karciny składajecca ź niekalkich upartych notaŭ. U vodary brakuje niapravilnaści, abertanoŭ, hłybinnych adcieńniaŭ – i toj niaŭłoŭnaj tajny, jakoj vałodaŭ tolki zabojca.
Tatalitarna-ladaščy, dekaratyŭna-pusty, jon źjaŭlajecca pad svaim abliččam u samych mocnych epizodach karciny. Ale Tykver, jak i ašalełyja žychary Hrasu, śpiašajecca zabyć duchmiany kašmar złačynstva.
Ciapier čytajuć
Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim11
Kamientary