U minskim mikrarajonie Kamiennaja Horka žycharoŭ napałochaŭ jarka-ružovy śnieh u dvary. Adnaja ź minčanak apublikavała ŭ sacsietcy fota plam niezvyčajnaha koleru, jakija, pavodle jaje słoŭ, jana zaŭvažyła pamiž damami №7 i 13 na vulicy Lucinskaj, piša Tochka.by.
Žančyna śćviardžaje, što padobnyja ślady źjaŭlajucca tam nie ŭpieršyniu — na praciahu zimy jana nibyta i raniej bačyła vakoł doma to čyrvonuju, to ružovuju vadkaści.
Publikacyja chutka nabrała vialikuju kolkaść reakcyj i kamientaroŭ. Asabliva ŭstryvožyła navina ŭładalnikaŭ sabak. Aŭtarka dopisu vykazała zdahadku, što heta mohuć być atrutnyja prynady, jakija časam vykarystoŭvajuć tak zvanyja dohchantary — praciŭniki vyhulvańnia sabak u dvarach.
U kamientarach niekatoryja karystalniki padtrymali hetuju viersiju i napisali, što padobny koler moža mieć preparat «Izanijazid», jaki niebiaśpiečny dla sabak. Častka ludziej padzialiłasia asabistymi historyjami i zaklikała być uvažlivymi padčas vyhułu hadavancaŭ.
Adnak byli i skieptyki. Jany miarkujuć, što pryčyna moža być bolš zvyčajnaj: naprykład, marhancoŭka, farba paśla śviatkavańnia indyjskaha Choli ci navat aŭtamabilny antyfryz.
Aŭtarka paviedamiła, što źviarnułasia ŭ słužbu 115. Ci pravodziłasia pa hetym zvarocie pravierka i jakija jaje vyniki, pakul nieviadoma. Tym časam abmierkavańnie praciahvajecca, a ŭładalniki sabak pryznajucca, što ciapier stali jašče bolš uvažliva sačyć za svaimi hadavancami padčas vyhułu.
«Ramantyka skončyłasia, navat nie pačaŭšysia»: jak minčuki pierajechali ŭ hłuš
U turystyčnym parku Tajłanda adnačasova zahinuli 72 tyhry
U katoŭ nie ŭźnikaje emacyjnaj zaležnaści ad haspadara — jany za raŭnapraŭnaje suisnavańnie
U Klecku kala čyhunki znajšli akryvaŭlenyja trupy sabak. Što ź imi zdaryłasia?
Maryna Adamovič: Staryja kociki navat praź piać hadoŭ pryznali svajho haspadara
Kamientary
Izoniazid kak substancija bieśćvietnyj ili biełyj, rastvor tožie bieśćvietnyj. "Izoniazid" kak prieparat takžie biełyj (vspomohałovka nie okrašiennaja i nie dajot okraski pri rastvorienii). Tak čto eto nie ono.