U Staŭbcoŭskim rajonie mužčyna padstaviŭ pad udar ułasnaje aŭto, kab zatrymać pjanaha vykradalnika
Ranicaj 9 sakavika ŭ milicyju pastupiła paviedamleńnie ab vykradańni Volkswagen u Staŭbcoŭskim rajonie. Dalej heta vyliłasia ŭ dramatyčnuju pahoniu sa stralalinaj, paviedamlaje pres-słužba MUS.
Dziakujučy Respublikanskaj sistemie manitorynhu hramadskaj biaśpieki transpartny srodak identyfikavali na aŭtadarozie M1, jon ruchaŭsia ŭ bok stalicy. Najbližejšy patrul DAI adrazu vyjechaŭ na pierachop. Inśpiektary padavali sihnały ab spynieńni, ale vykradalnik ich ihnaravaŭ, tolki paskoryŭšy ruch. Paśla hetaha pačałasia pahonia.
Kiroŭca nie padparadkoŭvaŭsia šmatrazovym patrabavańniam milicyjanieraŭ spynicca i sprabavaŭ uciačy ad pahoni, ruchajučysia pa darozie zihzahami i stvarajučy realnuju pahrozu inšym ludziam. Dla spynieńnia aŭtamabila vykarystali navat zbroju.
Urešcie dapamoh supracoŭnikam DAI kiroŭca BMW, jaki padstaviŭ pad udar svoj asabisty aŭtamabil.
Parušalnikam akazaŭsia 29‑hadovy žychar Minskaha rajona. Miedycynskaje abśledavańnie pakazała ŭ jaho kryvi 2,7 pramile ałkaholu. Raniej jon nieadnarazova pryciahvaŭsia da adkaznaści za kiravańnie ŭ stanie apjanieńnia i byŭ pazbaŭleny prava kiravańnia.
Śledčyja zaviali kryminalnuju spravu za vykradańnie, a taksama skłali na mužčynu 19 administracyjnych pratakołaŭ.
Kiroŭcu BMW, jak zajaŭlajecca, kampiensujuć naniesienuju škodu i adznačać za aktyŭnuju hramadzianskuju pazicyju i dapamohu milicyi.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju
Kamientary