U Rečyckim rajonie źbirajucca źnieści prypynak z admietnaj mazaikaj
Na trasie M10 kala pavarotu na viosku Hałoŭki Rečyckaha rajona mohuć źnieści aŭtobusny prypynak z mazaikaj, zroblenaj jašče ŭ savieckija časy. Ale aktyvisty sprabujuć za jaho zmahacca, dabivajučysia nadańnia mazaicy statusu kulturnaj kaštoŭnaści, paviedamlaje «Fłahštok».
Kaštoŭnaść hetaha prypynku ŭ tym, što jon azdobleny mazaikaj. Kazačnaje pano savieckaha pieryjadu stvaraje sapraŭdnuju cikavostku ŭ adroźnieńni ad adnatypnych bietonnych karobak, jakija ciapier staviać na prypynkach.
Paviljon kala pavarotu na Hałoŭki — adzin z samych kaštoŭnych, zapłanavanych pad znos sioleta, adznačaje inicyjatyva i pryvodzić fotazdymki, jakimi padzialilisia padpisčyki — šmat chto paziravaŭ na fonie ŭnikalnaha pano, prypynak karystajecca papularnaściu ŭ turystaŭ.
Pavodle inicyjatyvy, ciapier rychtujucca dakumienty na status historyka-kulturnaj kaštoŭnaści paviljona:
«Kali atrymajecca, to prypynak budzie ŭratavany, kali nie — to budziem namahacca vyratavać mazaiku».
U kamientarach dziasiatki karystalnikaŭ padtrymali inicyjatyvu.
Kamientary
[Dziakuj, vypravili. - Red.]
[Zredahavana]
a navohuł nie zrazumieła, što jany ŭvohule abaraniajuć, bo navat mity pra vajnu ŭžo pajšli niejak u bok