Siońnia pakažuć tryler Tomasa Alfredsana «Dazvol mnie ŭvajści».
Siońnia pakažuć tryler Tomasa Alfredsana «Dazvol mnie ŭvajści» («Låt den rätte komma in»).
Z 9 pa 12 červienia ŭ Minsku, u kinateatry «Centralny», adbyvajecca pakaz sučasnych šviedskich mastackich filmaŭ. Siońnia, 10 červienia, budzie demanstravacca tryler Tomasa Alfredsana «Dazvol mnie ŭvajści» (2008). Dzieja stužki adbyvajecca ŭ vakolicach Stakholma. Oskar, dvanaccacihadovy zapałochany chłopčyk, maryć pra pomstu. Jon zakachany ŭ dziŭnuju dziaŭčynku Eli, jakaja paźbiahaje sonca, narmalnaj ježy, a ŭ pakoj moža zajści tolki tady, kali jaje pakličuć. Eli padtrymlivaje Oskara i vučyć jaho, jak davać adpor. Adnak jak tolki Oskar razumieje, što dla taho, kab žyć, Eli patrebna čałaviečaja kroŭ, jon apynajecca pierad prablemaj vybaru. Jak mnoha moža daravać zakachany?
U nastupnyja dni biełaruskim hledačam buduć pradstaŭleny jašče dźvie poŭnamietražnyja stužki šviedskich režysioraŭ: «Štorm» (11 červienia ŭ 18:30) i «Soniečny štorm» (12 červienia ŭ 18:30).
Usie filmy demanstrujucca na movie aryhinału ź biełaruskimi subtytrami.
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii
Kamientary