Na bližejšym sojmie Partyi BNF, što projdzie ŭ subotu, budzie stavicca pytańnie ab vyklučeńni z šerahaŭ arhanizacyi troch lideraŭ «Moładzi BNF».
Na bližejšym sojmie Partyi BNF, što projdzie ŭ subotu, budzie stavicca pytańnie ab vyklučeńni z šerahaŭ arhanizacyi troch lideraŭ «Moładzi BNF» — Franaka Viačorki, Andrusia Krečki i Antona Kojpiša.
Lider Partyi BNF Alaksiej Janukievič vykazaŭsia pa situacyi nastupnym čynam: «Nasamreč u Partyi jość šerah asobaŭ, jakija pracujuć vyklučna na škodu arhanizacyi — infarmacyjnuju i materyjalnuju. Tak praciahvacca nie moža. Tamu na sojmie budzie stavicca pytańnie ab ich vyklučeńni».
Tym nie mienš, Alaksiej Janukievič nie nazvaŭ kankretnyja proźviščy partyjcaŭ.
«Siońniašniaje kiraŭnictva partyi viadzie vajnu z moładździu, najbolš aktyŭnaj častkaj arhanizacyi. Kali pytańnie nasamreč budzie pastaŭlenaje, to heta budzie sprobaj raskałoć «Moładź BNF» jak arhanizacyju.
Na maju dumku, siońniašniaje kiraŭnictva pajšło na prymireńnie z režymam, prynosiačy ŭ achviaru prezidenckija vybary 2011 hoda. A moładź choča zmahacca. U nas idejnyja razychodžańni», — adkazvaje Franak Viačorka.
«Ja ščyra padtrymlivaju źjaŭleńnie frontaŭskaha kandydata na prezidenckich vybarach, ale heta, chutčej za ŭsio, techničny pretendent, jaki praz paru tydniaŭ zdymiecca na karyść Milinkieviča», — zaznačaje F. Viačorka.
Apošni hučny vypadak z vyklučeńniem siabroŭ z Partyi BNF byŭ u červieni 2008 hoda, kali byłoje kiraŭnictva Frontu vyklučyła z šerahaŭ arhanizacyi namieśnika staršyni Alesia Michaleviča.
U dadzienym vypadku Viačorka i jahonyja siabry publična abvinačvali kiraŭnictva partyi ŭ supracy sa śpiecsłužbami, nie pryvodziačy dla taho, adnak, paćviardžeńniaŭ.
Kamientary