«Małady front» zastajecca samaj viadomaj arhanizacyjaj moładzi
Mižnarodnaje maładziožnaje abjadnańnie «Małady front» (Čechija) zastajecca samaj viadomaj niedziaržaŭnaj maładziožnaj arhanizacyjaj. Heta vynikaje z vynikaŭ sacyjałahičnaha apytańnia Niezaležnaha instytutasacyjalna-ekanamičnych i palityčnych daśledavańniaŭ (NISEPD, Litva), praviedzienym u sakaviku — krasaviku 2010 hoda.
Pavodle danych NISEPD, najbolšuju viadomaść u hramadstvie majuć praŭładnyja maładziožnyja arhanizacyi: Biełaruski respublikanski sajuz moładzi (63,7%), Biełaruskaja respublikanskaja pijanierskaja arhanizacyja (12,9%). Ź niezaležnych maładziožnych abjadnańniaŭ trochpracentny barjer statystyčnaj pamyłki pieraadoleŭ tolki «Małady front» (8,3%).
Indeks paznavalnaści astatnich niaŭradavych maładziožnych arhanizacyj nie vyjšaŭ za miežy statystyčnaj chibnaści. Pra «Moładź BNF» viedajuć 1,1% apytanych, pra «Maładuju hramadu» — 0,8%, «Džyns za svabodu!» — 0,6%. Astatnija arhanizacyi nie pieraadoleli paŭpracentnaha barjera paznavalnaści.
Stanoŭča da dziejnaści BRSM staviacca 36,7% apytanych, BRPA — 19,7%, BKMA (Biełaruski kamitet maładziožnych arhanizacyj) — 8,9%. Da dziejnaści niedziaržaŭnych maładziožnych arhanizacyj stanoŭča staviacca 10,8% hramadzian.
Što da «Maładoha frontu», to stanoŭča da jaho dziejnaści staviacca 6% apytanych, admoŭna — 3,7%.
«Choć pa suadnosinach stanoŭčych adznak za hetyja hady łajalnyja arhanizacyi, niesumnienna, apiaredzili alternatyŭnyja, — padvodzić vynik NISEPD, — maštaby hetaha apiaredžańnia zusim niesupastaŭnyja z resursami (palityčnymi, materyjalnymi, pravavymi, kadravymi i inš.), vydatkavanymi dziaržavaj na łajalnyja arhanizacyi, i raznastajnymi abmiežavańniami i navat represijami, „vydatkavanymi“ na alternatyŭnyja arhanizacyi. Alternatyŭnyja maładziožnyja arhanizacyi bolš „žyćcieŭstojlivyja“, čym łajalnyja».
Kamientary