Łukašenka pra jeŭraintehracyju Biełarusi: Vialikaja palityka nie cierpić rezkich razvarotaŭ
«Treba šukać bolš intensiŭna alternatyŭnyja šlachi pastaŭki vuhlevadarodnaj syraviny, ... na Rasiju spadziavacca absalutna nielha».
«Jeŭropa lišni raz pierakanałasia, što treba šukać bolš intensiŭna alternatyŭnyja šlachi pastaŭki vuhlevadarodnaj syraviny, što na Rasiju spadziavacca absalutna nielha», — zajaviŭ Alaksandr Łukašenka ŭ intervju telekanału «Jeŭrańjus», kamientujučy vyniki čarhovaha hazavaha kanfliktu.
«Haz — heta nahoda, — miarkuje Łukašenka. — Jany kažuć, što heta sprečka haspadarčych subjektaŭ. Jakaja ž sprečka, kali paśla sustrečy ź Miadźviedzievym my damovilisia, što jon raźbiarecca va ŭsich pytańniach, u tym liku i ŭ hazavych, naftavych, pa pošlinach i h.d., patelefanuje mnie, skaža vynik. Praz dva dni baču siužet ź filma, niekalki kadraŭ. Siadzić Miadźviedzieŭ, siadzić Miler. I jon jamu daje ŭkazańnie, usio ž heta zrežysavana było: ultymatum, piać dzion, zapłaci. Jak ža zapłacić za piać dzion, kali vy nam bolš pavinny? Čamu nie płacicie? Heta značyć nie było pryčyny dla kanfliktu. Absalutna nie było pryčyny. Jany pavinny byli zapłacić 260 młn, my b im pieraličyli adrazu 187 młn.»
Adkazvajučy na pytańnie, ci nadyšoŭ čas paviarnucca na 180 hradusaŭ i stupić na šlach jeŭrapiejskaj intehracyi, Łukašenka zajaviŭ: «Nikudy nie budziem pavaročvać i razvaročvacca, my zastaniomsia na svaim łapiku ziamli. My budziem žyć tut, nie stvarajučy nikomu nijakich prablem, našym susiedziam najpierš. A naš susied, z adnaho boku Rasija, z druhoha boku — Jeŭrapiejski sajuz. I my nikoli prablem hetych nie stvarali, kali nas nie sprabavali nachilić, kali nas nie sprabavali siłaj prymusić da vyrašeńnia niejkich prablem i niejkich pytańniaŭ».Pa-pieršaje , vialikaja palityka nie cierpić nijakich razvarotaŭ, rezkich razvarotaŭ — tym bolš.Pa-druhoje , davajcie budziem abjektyŭnyja. Nas što, u Jeŭropie čakajuć? U Jeŭropie siońnia stolki prablem z hetymi 27 dziaržavami, što im siońnia nie da Biełarusi, nie da Ukrainy i nie da inšych. U hetym płanie nie chaču skazać, što ŭ nas, u Biełarusi, nie lubiać Jeŭropu, nie razumiejuć, nie žadajuć žyć, jak u Jeŭropie. Nie, heta prysutničaje. Ale našy ludzi chočuć žyć u svajoj krainie.
Frahmienty intervju Łukašenki byli pakazany ŭ ramkach admysłovaj prahramy «Jeŭrańjus», pryśviečanaj hazavamu kanfliktu (pazicyju rasijskaha boku ahučyŭ aficyjny pradstaŭnik «Hazproma» Siarhiej Kupryjanaŭ). Hutarku, zapisanuju 24 červienia, vioŭ supracoŭnik «Jeŭrańjus» Alaksiej Doval, jaki ŭ svoj čas pačynaŭ pracavać u Biełarusi spartyŭnym žurnalistam. Bolš poŭnuju viersiju intervju pakaža viečaram 26 červienia Pieršy kanał Biełaruskaha telebačańnia.
Kamientary