U žniŭni ŭ Lidzie pačniecca pierajmienavańnie 4 vulicaŭ: u horadzie źjaviacca vulicy Hrunvaldskaja i Zamkavaja, a taksama bulvar Hiedymina i praśpiekt Pieramohi.
U žniŭni ŭ Lidzie (Hrodzienskaja vobłaść) pačniecca pierajmienavańnie čatyroch vulicaŭ: u horadzie źjaviacca vulicy Hrunvaldskaja i Zamkavaja, a taksama bulvar Hiedymina i praśpiekt Pieramohi.
Jak padkreśliŭ u svaim intervju Lidskamu telebačańniu Anton Hłaŭnicki, namieśnik staršyni Lidskaha vykankama, hetaje pierajmienavańnie adbyvajecca dziakujučy zvarotam u miascovyja orhany ŭłady ad hramadskich arhanizacyjaŭ i partyj. Prapanova ab pierajmienavańni ŭžo uzhodniena Ministerstvam kultury i abłvykankamam. Z 1 žniŭnia ŭ Lidzie pačnuć mianiać šyldy, kab žychary i hości horada mahli prahulacca pa Zamkavaj ci bulvary Hiedymina.
Vulica Hrunvaldskaja źjavicca na učastku vulicy Enhielsa, ad Savieckaj u Farnaha kaścioła da pierasiačeńnia z vulicaj Radziuka kala starych katalickich mohiłak.
Vulica Zamkavaja źmienić svajo raźmiaščeńnie. Damy adnoj z samych starych vulicaŭ Zamkavaj znosiać i vulica faktyčna źnikaje, kab vyzvalić miesca dla novaha voziera. Novaja prapanova miascovych uładaŭ pierajmienavać u Zamkavuju vulicu častku vulicy Kamsamolskaj ad Farnaha kaścioła, jaki na vulicy Savieckaj, da vulicy Pieramohi.
Piešachodnaja vulica ad aŭtavakzała da zamka, jakuju u narodzie nazyvajuć bulvar Čapajeva, prapanavana pierajmienavać ŭ bulvar kniazia Hiedymina.
Taksama ŭ horadzie źjavicca praśpiekt Pieramohi. Novaja daroha, jakaja budujecca za zamkam, źjadnaje vulicu Pieramohi i Enhielsa. Ad pierakryžavańnia z vulicaj 8 sakavika da vychadu na Minskuju trasu i płanujecca novy praśpiekt.
U Łahojsku piekar admaŭlajecca pradavać svoj chleb pakupnikam, u jakich jość sabaki82
Kamientary