Sańnikaŭ: Milinkievič daŭno nie ŭzdymaje pytańniaŭ pravoŭ čałavieka
Čamu pad zvarotami apazicyi da Rady biaśpieki AAN i Jeŭraparłamientu niama podpisaŭ Milinkieviča i Kazulina?
Na minułym tydni pradstaŭniki biełaruskaj apazicyi źviarnulisia ŭ Radu biaśpieki AAN z prośbaj pačać mižnarodnaj rasśledavańnie pa faktach źniknieńnia viadomych u Biełarusi ludziej.
Ciapier rychtujecca novy zvarot u Jeŭraparłamient, kab była pryniataja niejkaja rezalucyja pa hetaj prablemie.
Ale siarod abodvuch zvarotaŭ adsutničaje proźvišča
«Milinkieviču prosta nichto nie prapanavaŭ padpisać», — adkazali nam u Ruchu za Svabodu. I źviarnuli ŭvahu, što pad dakumientam niama i podpisa inšaha najviadomiejšaha lidera apazicyi Alaksandra Kazulina. «Heta vyhladaje na sprobu navypieradki atrymać pijar-efiekt, čym realna pasprabavać uźniać pytańnie»,— dadaŭ naš surazmoŭca.
Chto ž źbiraŭ podpisy pad zvarotam? Pieršym tekst apublikavaŭ sajt kampanii «Jeŭrapiejskaja Biełaruś», kaardynuje jakuju Andrej Sańnikaŭ.
«Milinkievič daŭno nie ŭzdymaje pytańniaŭ pravoŭ čałavieka, palitviaźniaŭ. Tamu my navat nie prapanoŭvali jamu padpisać. Chacieŭ by dałučycca — dałučyŭsia», — kaža kaardynatar «Jeŭrapiejskaj Biełarusi» Andrej Sańnikaŭ.
«Paśla taho, jak Milinkievič źniaŭ svoj podpis ź mienš žorstkaj pražskaj damovy padčas samitu «Uschodniaha partniorstva», to jaki sens prapanoŭvać zaraz», — kaža Stanisłaŭ Šuškievič.
«Heta nie taja sprava, dzie chtości kamuści pavinien telefanavać», — pryvodzić svoj asabisty prykład Uładzimir Niaklajeŭ, jaki sam dałučyŭsia da hetaha zvarotu.
Anatol Labiedźka zaznačyŭ, što zvarot u Jeŭraparłamient taksama admovilisia padpisać Juraś Hubarevič i Aleś Michalevič. «Zrešty, nie admaŭlaju, što jany mahli nie pabačyć, ci nie pačuć», — zaznačaje Labiedźka.
«Šmat u nas prablem sa zrokam i słycham», — paryravaŭ Niaklajeŭ.
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA15
Kamientary