«Aleha znajšli ŭ nahłucha zašpilenaj kurtcy»
Raskazvaje blizki siabar Biabienina — Fiodar Paŭlučenka. Jon byŭ na miescy zdareńnia pieršym.
Raskazvaje blizki siabar Biabienina — Fiodar Paŭlučenka. Jon byŭ na miescy zdareńnia pieršym.
Učora pachavali stvaralnika i kiraŭnika hałoŭnaha apazicyjnaha sajta Biełarusi charter97.org Aleha Biabienina. Aleha znajšli paviešanym na leciščy pad Minskam 3 vieraśnia. Pravaachoŭnyja orhany praciahvajuć nastojvać na viersii pra samahubstva.
Ja byŭ siabram Aleha, viedaju jaho 10 hadoŭ i nie vieru ŭ toje, što Aleh dobraachvotna zabiŭ siabie.Chacieŭ by patłumačyć svaje sumnievy i raskazać, što adbyvałasia napiaredadni trahiedyi i ŭ toj dzień, kali było znojdzienaje cieła žurnalista. Pra ŭsio heta ja ŭžo raskazvaŭ śledčamu abłasnoj prakuratury, ale, na žal, šmat taho, što ahučvajecca ŭ ŚMI, nie adpaviadaje rečaisnaści.
Za tydzień da trahiedyi Aleh viarnuŭsia z Hrecyi. Tam ź siamjoj jany adpačyvali dva tydni.
Paśla jaho viartańnia my nie sustrakalisia, ale kožny dzień razmaŭlali praz skajp.Heta byŭ štodzionny «rytuał» (internetčyki zrazumiejuć), abmien spasyłkami,
U čaćvier jon, jak zaŭsiody, šmat žartavaŭ, dasyłaŭ niejkija spasyłki na fotasiesii dziaŭčat, ahlad telefona ad Ekślera i ŭsiu ranicu ŭhavorvaŭ mianie pajści na film «Mačete». Hetaha «kamiedyjnaha filmu žachaŭ» ad kultavych Radryhiesa i Tarancina jon čakaŭ paŭhoda, pakazvaŭ trejler, pierakazvaŭ artykuły z suśvietnaj presy.U ich jość kampanija siabroŭ, jakaja tradycyjna chodzić na takija filmy. Ja abiacaŭ padumać, ale bližej da abiedu vyrašyŭ nie chadzić, treba było pabyć ź siamjoj doma. U hety ž dzień ja paprasiŭ pazyčyć 400 dalaraŭ, i Aleh prapanavaŭ padyści da 20.00 da kinateatra «Kastryčnik», maŭlaŭ, «zaadno i hrošy zabiaru» (źviarnicie ŭvahu). Uviečary ja nie raźličyŭ z časam i da vaśmi nie paśpieŭ.
Na nastupny dzień u skajpie Aleha nie było, a kala hadziny dnia jaho kalehi pačali pytacca praz skajp, ci nie bačyŭ ja jaho. Akazałasia, što ŭ kino jon nie pryjšoŭ i naohuł ni z kim z druhoj pałovy čaćviarha nie razmaŭlaŭ i nichto jaho nie bačyŭ. Jaho šukali pa Minsku, abtelefanoŭvali RUUS, balnicy, morhi. Uviečary na lecišča pajechali jaho svajaki (brat i siastra žonki), jakija i paviedamili, što Aleh visić u piatli. Nakolki mnie viadoma, na lecišča jon nie źbiraŭsia, dakładniej, nikomu nie kazaŭ, što pajedzie tudy, tamu tam jaho šukali ŭ apošniuju čarhu.
Ja nie moh nie pajechać tudy, nie vieryłasia, što takoje moža być, i kala 19.00 pryjechaŭ na lecišča razam z kalehami Aleha.Heta takoje cichaje miesca, nikoha niama, susiedskija damy adnosna daloka, ni dušy.
Tolki ŭ domie sprava była susiedka, jakaja raskazała, što Aleha ni ŭ čaćvier, ni ŭ piatnicu nie bačyła, bačyła tolki, što staić mašyna i što ŭ domie haryć śviatło (jana vychodziła z domu niekalki razoŭ, śviatło hareła ŭ 23.00 i ŭ 3.00).Piečki abo kaminu ŭ domie Aleha nie tapili, dym z komina nie išoŭ.
Praz hadzinu pryjechali kryminalist i pamočnik prakurora Dziaržynskaha rajona. Da ich prychodu ja ŭ dom nie ŭvachodziŭ i paśla papiaredniaha ahladu i fotazdymak rabotnikami pravaachoŭnych orhanaŭ mianie zaprasili ŭ jakaści paniatoha. Cieła ŭžo lažała na padłozie, i ja paprasiŭ pakazać fota, na jakim było bačna, dzie i jak visieła cieła. Aleh visieŭ na kanacie ad hamaka (kanat u palec taŭščynioj), u kurtcy, u čaravikach, kurtka nahłucha zašpilenaja, pad nahami lažaŭ zedlik z sahnutaj nožkaj. Aleh upiraŭsia napaŭsahnutymi nahami ŭ padłohu. Cieła visieła ŭ prachodzie pamiž piarednim i vialikim pakojami pad leśvicaj na druhi pavierch. Kanat byŭ zaviazany mnostvam vuzłoŭ i šmatrazova abmatany vakoł bierviana (asnovy leśvicy).
Kryminalist rasšpiliŭ kurtku, ahledzieŭ kišeni i dastaŭ z zadniaj kišeni džynsaŭ niekalki bujnych kupiur biełaruskich rubloŭ (kala 200–300 tys. sinimi kupiurami pa 50 tysiač). Bolš ničoha ŭ kišeniach nie było, usie dakumienty, darahi telefon, klučy akuratna lažali na stoliku ŭ vialikim pakoi.
U knižcy čyrvonaha koleru (mižnarodnaje žurnalisckaje paśviedčańnie) lažali 400 dalaraŭ. Viersija rabavańnia i h.d. całkam vyklučanaja. Pieradśmiarotnaj zapiski nie było.
Pa słovach kryminalista, cieła było jašče ciopłym, i jon vykazaŭ zdahadku, što śmierć nastupiła ŭsiaho niekalki hadzinaŭ tamu.Milicyjanty zadrali švedar, na ciele śpieradu nijakich bačnych śladoŭ paškodžańniaŭ nie było. Krychu paźniej ja zaŭvažyŭ, što levaja kiść i rukavo zapeckanyja sažaju, pry hetym vyrazna byŭ bačny «ŭdar» na kostačcy siaredniaha palca (heta navat była chutčej uvahnutaść ad udaru). Źviartała na siabie ŭvahu pravaja stupnia, jakaja była nienaturalna vyviernutaja naprava pad vuhłom amal 90 hradusaŭ.
U pakojach doma była idealnaja čyścinia, usio lažała na miescach, było adčuvańnie, što Aleh ni da čoha nie dakranaŭsia. Tolki nakidka na fateli ŭ vialikim pakoi lažała niadbajna i pobač na padłozie karcinna stajali dźvie pustyja paŭlitrovyja butelki z etykietkami «Biełaruski balzam» i pustaja čarka. Ni ježy, ni
U prachadnym pakoi, dzie visieła cieła, staić šafa, dźvierki adnoj ź vierchnich palic byli pračynienyja, i tam lažali ŭ paradku štory, anučy, padaŭžalnik. Adčuvańnie, što na palicy niešta taropka šukali. U susiednim pakojčyku lažaŭ hamak, kanat ad jakoha vykarystoŭvali.
Usie hetyja žudasnyja padrabiaznaści da hetaha času stajać pierad vačyma, ale ja pavinien pra heta raskazać, kab rastłumačyć, što viersija samahubstva ŭjaŭlajecca mnie vielmi padazronaj.Chiba moh čałaviek jašče dniom źbiracca na kultavy bajavik, žartavać z hetaj nahody, a potym rezka pieradumać, pajechać na lecišča i paviesicca? Chiba moh Aleh vypić litr «byrła», demanstratyŭna vystavić butelki na samaje bačnaje miesca, kab nijakich sumnievaŭ nie było, ale pry hetym nie pakinuć zapiski (a bo jon žurnalist)? Urešcie, navošta brać dla mianie hetyja 400 dalaraŭ, kali jon źbiraŭsia zabić siabie?
U mianie skłałasia ŭražańnie, što śledčyja pracujuć tolki pa adnym napramku — pošuk matyvaŭ dla samahubstva, a inšyja viersii prosta «nie cikavyja».Aleh byŭ kiraŭnikom hałoŭnaha apazicyjnaha sajta, źjaŭlaŭsia klučavym čalcom pieradvybarčaj kamandy pretendenta na prezidencki post Andreja Sańnikava, i viersija «palityčnaje zabojstva» pry ŭsich hetych abstavinach pavinnaja być dla śledstva asnoŭnaj.
Ciapier čytajuć
Aryštavany 75‑hadovy Źmicier Sańko — vieteran-vydaviec4
Kamientary