Trahičnaja hibiel žurnalista pavinna zrabicca lejtmatyvam «prezidenckich vybaraŭ». Piša ŭ svaim błohu Aleś Čajčyc.
Tak ci inačaj, pieršymi, chto pavinien byŭ reahavać na trahičnuju śmierć Aleha Biabienina, źjaŭlajecca biełaruskaja demakratyčnaja apazycyja. Demakratyčnaja hramadzkaść pavinna była b zrabić vysnovy z skłaŭšajsia novaj sytuacyi i ŭzmacniać cisk na ŭłady z patrabavańniem prazrystaha rasśledvańnia. Pakul što ŭ hetaj sytuacyi dastojna prajaŭlajuć siabie niezaležnyja žurnalisty, ale apazycyjnyja demakratyčnyja arhanizacyi ŭ Biełarusi pakul što tolki paćviardžajuć zrabiŭšujusia ŭžo banalnaściu krytyku na svoj adras.
Asoba Aleha Biabienina, prykmiety hvałtoŭnaha zabojstva i blizaść vybaraŭ robiać hetu trahiedyju važnaj dla ŭsiaho hramadztva padziejaj, padziejaj jaskrava palityčnaj.
Śmierć Biabienina pavinna zrabicca lajtmatyvam nadychodziačaj kampanii pa zaćvierdžańni čarhovaha prezydenckaha termina A. Łukašenki, farmalna abstaŭlenaj jak vybary.
Pakul ułady nie pradstaviać pierakanaŭčych vynikaŭ prazrystaha i pilnaha rasśledvańnia,
nielha davać spuścić spravu na tarmazach i nielha dazvalać hładka pravodzić elektaralnuju cyrymoniu tak, jak byccam ničoha nia zdaryłasia.Zaprašeńnie ekspertaŭ ABSE źjaŭlajecca krokam, jaki možna zapisać uładam «u aktyŭ», ale ž i hety pryjezd ekspertaŭ pry žadańni moža być pieratvorany ŭ pustuju farmalnaść.
Patrebna pilnaja hramadzkaja ŭvaha i pilny kantrol. Kali pobač z zvalnieńniami, aryštami i źbićciom metadam palityčnaj baraćby ŭ Biełarusi znoŭ zrabiłasia zabojstva, maŭčać i praciahvać abmiarkoŭvać ekanomiku — niedapuščalna.
Heta ŭsio da taho, što tym časam na sajtach apazycyi pa stanie na piatnicu — u lepšym vypadku vykazvańni spačuvańnia (sajty Rucha «Za Svabodu» , Partyi BNF) albo pieradruki artykułaŭ čaściakom zamiežnych ŚMI (sajt AHP). Na sajtach inicyjatyvy «Havary Praŭdu» i BCHD zhadki pra Biabienina na tytulnaj staroncy adsutničajuć uvohule. Heta niapravilna.
Ciapier čytajuć
«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie45
Kamientary