Taki źmiest mieła zajava, jakuju zrabiŭ ministr zamiežnych spraŭ Aŭstryi Michael Špindelehier padčas sustrečy z namieśjikam kiraŭnika zamiežnapalityčnaha viedamstva Biełarusi Valeryjem Varanieckim u Vienie.
«My zaklikajem biełaruskaje kiraŭnictva da stvareńnia spryjalnych umoŭ napiaredadni praviadzieńnia ŭ śniežni svabodnych i spraviadlivych, u adpaviednaści sa standartami ABSIE, prezidenckich vybaraŭ», — adznačyŭ Špindelehier, prymajučy Varanieckaha i inšych adkaznych asobaŭ z MZS Biełarusi.
Abmiarkoŭvajučy pytańni supracoŭnictva Biełarusi ź ES i Aŭstryjaj, Špindelehier padkreśliŭ:
«Aŭstryja i ES vitali b bolš ciesnaje supracoŭnictva ź Biełaruśsiu, i Minsk musić być hatovym dla hetaha. Asabliva heta tyčycca demakratyi i pravoŭ čałavieka. U hetaj suviazi ES budzie dakładna nazirać za prezidenckimi vybarami ŭ śniežni».
Kiraŭnik aŭstryjskaha MZS taksama padkreśliŭ, što ni ŭ ES, ni ŭ Aŭstryi «niama cikavaści izalavać Biełaruś».
Pavodle jaho słovaŭ, dla taho, kab ažyćciaŭlać dobrasusiedskuju jeŭrapiejskuju palityku na doŭhaterminovaj asnovie, partnioram treba kiravacca asnoŭnymi ahulnajeŭrapiejskimi kaštoŭnaściami dy standartami.
Ciapier čytajuć
«Dyjalekt padazrony». Śpiavak Siaroha pryjšoŭ na rasijskaje realici i sabraŭ usich chejtaraŭ2
Kamientary