Ukrainskija aktyvisty «Amnesty International» zładzili akcyju za admienu śmiarotnaha pakarańnia ŭ Biełarusi.
Ukrainskija aktyvisty «Amnesty International» zładzili akcyju za admienu śmiarotnaha pakarańnia ŭ Biełarusi.
10 kastryčnika ŭ Žytomiry miascovyja aktyvisty mižnarodnaj pravaabarončaj arhanizacyi «Amnesty International» zładzili akcyju z nahody Dnia suprać śmiarotnaha pakarańnia. U arhanizacyi mierapryjemstva ŭziali ŭdzieł biełarusy Ihar Koktyš, Arciom Dubski i Vital Ciščanka.
«Ja maralna abaviazany brać udzieł u hetaj akcyi, bo i sam bolš za try hady pravioŭ u čakańni ekstradycyi ŭ Biełaruś, dzie mianie čakali katavańni i śmiarotnaja kara. Sprava ŭ tym, što ŭ Biełarusi, na maju dumku, pakarańnie śmierciu vykarystoŭvajecca z metaj palityčnych raspravaŭ, tamu ja zaŭsiody budu padtrymlivać uviadzieńnie takoha maratoryju.Da taho ž, ja liču, što Boh daŭ nam žyćcio i tolki jon maje prava jaho adbirać», — zajaviŭ I. Koktyš.
Na pačatku akcyi vałanciory «Amnesty International» zładzili fłešmob: maładych ludziej z zaviazanymi vačyma i płakatami ŭ rukach z nadpisami «Spynić kanviejer śmierci» simvalična rasstralali na vačach minakoŭ.
Potym aktyvisty źbirali podpisy na vulicy. Ich padtrymali niekalki miascovych hurtoŭ, jakija praviali mini-kancert. Byli pakazanyja admysłovyja dakumientalnyja filmy.
Daviedka
Suśvietny dzień baraćby suprać śmiarotnaha pakarańnia adznačajecca z 10 kastryčnika 2003 h. Inicyjataram jaho stała Suśvietnaja kaalicyja suprać śmiarotnaha pakarańnia, jakaja abjadnoŭvaje bolš za 50 arhanizacyj, u tym liku Amnesty International, kalehii advakataŭ, prafsajuzy, a taksama dziaržaŭnyja orhany ŭłady na miascovym i rehijanalnym uzroŭniach, z metaj pakłaści kaniec prymianieńniu śmiarotnaha pakarańnia va ŭsim śviecie.
10 kastryčnika adznačajecca i Jeŭrapiejski dzień baraćby suprać śmiarotnaha pakarańnia, zaćvierdžany Radaj Jeŭropy ŭ 2007 h.
Kamientary