Padymajučy knihaabmien

Apošniaja niadziela mieła asablivuju datu: 10.10.10. Da hetaha dnia kampanija 350.org prymierkavała akcyju knihaabmienu.

«Buk-krosinh 350+15 dzion u hodzie» pravodziŭsia ŭ suśvietny klimatyčny dzień 10.10.10, inicyjavany ŭ metach pamianšeńnia vuhlarodnaha śledu, jaki pakidajuć ludzi padčas žyćciadziejnaści. Na dumku arhanizataraŭ, kab źmienšyć svoj vuhlarodny śled, dastatkova tolki źmianić svaje zvyčki. Knihaabmien, naprykład, daje mahčymaść panizić vykidy vuhlakisłaha hazu i zachavać vializnuju kolkaść resursaŭ — drevaŭ, enierhii, vady — nieabchodnych dla stvareńnia absalutna novaj knihi. Zamiest taho, kab pylicca na palicach, knihi buduć pierachodzić z ruk u ruki.

Na vychodnych knihami možna było abmieńvacca praz admysłovuju šafu na Fiestyvali niefarmalnaj adukacyi, jaki adbyvaŭsia ŭ Minskim mižnarodnym adukacyjnym centry (IBB). Ale 10 kastryčnika akcyja nie zakančvajecca. D

la papularyzacyi idejaŭ buk-krosinha z 11 kastryčnika šafa dla abmienu knihami źjaviłasia ŭ Halerei sučasnaha mastactva «Ŭ» (pr-t Niezaležnaści, 37a). Kožny achvočy zmoža praciahnuć knihaabmien. Pakinuć knihi ŭ Minsku možna taksama ŭ Centralnaj haradskoj dziciačaj biblijatecy (pr. Haziety «Praŭda», 20), kłubie «Hrafici» (zav. Kalinina, 16).

Upieršyniu pakinuŭ dva dziesiatki knihaŭ z tłumačalnymi paznakami ŭ hateli śpiecyjalist pa internet-technałohijach Ron Charnbekier ŭ mai 2001 hodu. Knihi pryznačalisia dla kožnaha achvočaha pačytać z umovaju praciahnuć łancuh pieradačy. Takim čynam byŭ zasnavany knihazvarot z vysokaj metaju vyzvaleńnia knihaŭ. Praz hod sajt Rona mieŭ niekalki socień paśladoŭnikaŭ. Da 2006 hoda u Jeŭropie buk-krosinh razharnuŭsia jak sapraŭdny ruch. Ludzi pačali pakidać časopisy dy knihi ŭ parkach, transparcie. U Italii, naprykład, ułady Fłarencyi biazvypłatna prezientavali ruchu knihaabmienu 4 tysiačy vydańniaŭ, jakija raspaŭsiudžvalisia na rynkach horada i ŭ budynku meryi.

Praŭda, na prastory byłoha SSSR ruch knihazvarotu sutyknuŭsia z prablemaju — ludzi biaruć knihi, čytajuć dy nie śpiašajucca pieradavać uziataje inšamu.

U Biełarusi zarehistravać knihu i adpuścić, a volny ruch pa rukam možna na sajcie aficyjny sajt bukkrosieraŭ booksrossing.bu abo mena.by. Kniha atrymlivaje ŭłasny kod, jaki nanosić na jaje haspadar. Isnuje taksama mižnarodny partał bukkrosieraŭ bookcrossing.com

Ambicyjnaja kampanija 10.10.10 zasnavanaja na prostaj idei źnižeńnia na 10% vykidaŭ vuhlakisłaha hazu ŭ 2010 hodzie. Sotni tysiač ludziej pa ŭsim śviecie rabili 10 kastryčnika peŭnyja kroki ŭ metach dasiahnieńnia bolš zdarovaj płaniety i klimatu: ustaloŭvali soniečnyja batarei, uciaplali damy, sadžali drevy.

Praz tydzień my sustreniem lusterkavuju datu — 20.10 2010. Hety dzień budzie admietnym dla astranomaŭ: kamieta Chartli-2 nablizicca na minimalnuju za apošnija niekalki stahodździaŭ da Ziamli adlehłaść — 17,7 młn kiłamietraŭ. A praz dva hady čałaviectva dačakajecca absalutnaha paŭtareńnia padobnaha dnia — 12.12.12. Ci buduć ekołahi damahacca 12% źnižeńnia vykidaŭ vuhlakisłaha hazu ŭ 2012 hodzie, pakul nieviadoma.

• 0
• 0
• 0
• 0
• 0
• 0
• 0
• 0