Hran-pry «Listapada» atrymaŭ film z krytykaj «savieckaha čałavieka»
— karcina Siarhieja Łaźnicy «Ščaście majo».
— karcina Siarhieja Łaźnicy «Ščaście majo».
Karcina Siarhieja Łaźnicy «Ščaście majo» atrymała hałoŭny pryz 17 Mižnarodnaha kinafiestyvalu «Listapad», što zavieršyŭsia ŭviečary 12-aha. Vyrak prafiesijnaha žury ahučyŭ litoŭski režysior Šarunas Bartas.
Pryz addavaŭ ministr kultury Pavał Łatuška, jaki vyhladaŭ ździŭlenym.
Karcina Siarhieja Łaźnicy, što raniej była ŭ konkursnaj Kanskaj prahramie, raspaviadaje pra dalnabojnika, jaki zabłukaŭ dzieści kala Smalensku — dyj zahłyblajecca ŭ serca ciemry. Film pabudavany, jak strašnaja dakumientalnaja kazka. Kiroŭca sustrakajecca sa skvapnymi milicyjantami, razbojnikami, małaletniaj prastytutkaj — i hublaje ŭłasnuju pamiać. Vasil Bykaŭ padkazaŭ Łaźnicy epizod z partyzanami, jakija zabivajuć nastaŭnika.
Na fiestyvali, padčas prahladu, niekatoryja hledačy — pieravažna staroha vieku — zaklikali zastralić režysiora. Ale dla Łaźnicy pryncypovym było stvaryć adychodny partret savieckaha čałavieka, serca jakoha źniščanaje nianaviściu.
Na cyrymonii zakryćcia hałoŭny aktor stužki Viktar Niemiec padziakavaŭ za ŭznaharodu i nahadaŭ, što jon z Łaźnicaj «z adnaho raddomu». I režysior, i akcior — uradžency Baranavičaŭ. Darečy, dakumientalnaja «Dniuka» jašče adnaho ŭradženca Baranavičaŭ Andreja Kuciły była adznačanaja hildyjaj krytykaŭ.
Śpiecyjalny pryz žury dastaŭsia kirhizskamu «Vykradalniku śviatła». Heta film pra dobraha elektryka, jaki kradzie dla viaskoŭcaŭ śviatło.
Hran-pry konkursa nieihravoha kino žury na čale ź Viktaram Aślukom prysudziła niamieckaj «Žančynie ź piaćciu słanami». Hierainia — pierakładnica Dastajeŭskaha z pakručastym losam.
Najlepšymi dakumentalnymi debiutami pryznanyja kitajski «Apošni ciahnik dadomu» i estonski «Čempijon śvietu» — pra 83-hadovaha dziadulu, jaki skača z šastom.
Siarod ihravych debiutaŭ byŭ vyłučany pieruanski «Kastryčnik» — pra lichviara, jakomu padkinuli dzicia.
Hledačy ŭpadabali «Strakatyja pryciemki» Ludmiły Hurčanki, indyjski «Udaan» i vieniesuelskaha «Brata» — jakomu j dastalisia asnoŭnyja simpatyi publiki. Dynamičnaja stužka pra zachoplenych futbołam bratoŭ, uciahnutych u kryminalnyja razborki, taksama atrymała prezidencki pryz «za humanizm i duchoŭnaść».
Ale sioleta hladackaje hałasavańnie adsunuta na druhi płan.
Pryjšoŭ čas prafiesijnaha «Ščaścia majho».
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy16
Kamientary