27 śniežnia Minski haradski sud razhledzić skarhi rasijan, zatrymanych 19 śniežnia
Pa prośbie rasijskaha pasolstva rajonnyja sudy Minska ŭ paskoranym paradku nakiroŭvajuć na razhlad u Minski haradski sud skarhi ad rasijskich hramadzian, zatrymanych u Minsku 19 śniežnia,
paviedamiŭ
Jon adznačyŭ, što pa stanie na 15 hadzin 24 śniežnia ŭ Minharsud pastupili skarhi siami z 11 zatrymanych rasijan. Čatyry astatnija skarhi rajonnyja sudy rychtujuć dla pieradačy. Skarhi, što pastupili, Minharsud razhledzić 27 śniežnia ŭ 15 hadzin. Na pasiadžeńni suda buduć prysutničać rasijskija dypłamaty.
Akramia taho, adznačyŭ Husieŭ, 25 śniežnia pradstaŭniki rasijskaha pasolstva čarhovy raz naviedajuć hramadzian Rasii, pryhavoranych da roznych terminaŭ administracyjnaha aryštu za ŭdzieł u niesankcyjanavanaj akcyi.
23 śniežnia pamočnik prezidenta Rasii Siarhiej Prychodźka zajaviŭ, što pasolstva ŭ Minsku aktyvizuje pracu pa abaronie intaresaŭ svaich hramadzian u Biełarusi. Pavodle jaho słoŭ, ciapier samaje hałoŭnaje, kab usie zatrymanyja rasijskija hramadzianie byli vyzvalenyja, a rasśledavańnie nasiła sapraŭdy abjektyŭny i niepraduziaty charaktar.
«Chaču padkreślić, što ŭ koła niepasrednych abaviazkaŭ pasła, jak i luboj rasijskaj zahranustanovy, uvachodzić poŭnaja, naležnaja i biezumoŭnaja abarona zakonnych pravoŭ i intaresaŭ usich biez vyklučeńnia hramadzian Rasii», — skazaŭ Prychodźka.
«Pasolstva RF u Minsku maje vyraznaje ŭkazańnie aktyvizavać adpaviednuju pracu», — padkreśliŭ jon.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary