Balšynia biełarusaŭ nia choča kłaścisia pad tanki za Rasieju

Pad 70% biełarusaŭ ličać, što niezaležnaść užo adbyłasia. Adnosnaja balšynia suajčyńnikaŭ pierakananaja, što jany ad hetaha vyjhrali. Na hipatetyčnym referendumie ab ustupleńni našaje krainy ŭ Eŭraźviaz hałasy padzialilisia b faktyčna paroŭnu. I hetak dalej...

Sapraŭdy, niezaležnaja sacyjalohija padkinuła biaremia cikavych ličbaŭ.

Zarehistravanaja ŭ Vilni ŭstanova prafesara Manajeva abnarodavała vyniki apytańnia, praviedzienaha na miažy kastryčnika — listapada.

Zajavu pra hatoŭnaść biełarusaŭ kłaścisia pad tanki, kab zasłanić Maskvu, aficyjny lidar zrabiŭ, kali pamiatajecie, 29 vieraśnia na sustrečy z rasiejskimi žurnalistami.

Hety ekspartny varyjant braterskaha pijaru ahučvajecca nia pieršy raz. I peŭna ž robić čakanaje emacyjnaje ŭździejańnie na ŭschodnich susiedziaŭ.

Pavialičyć

Ale voś zandaž ajčynnaje hramadzkaje dumki pakazaŭ, što 51,4% takoha samaachviarnaha abiacańnia nie ŭchvalajuć. Jašče 10,8% adkazali, što im heta abyjakava (to bok u akopy za Rasieju, miakka kažučy, taksama nia rvucca). Padtrymali zajavu tolki kala čverci respandentaŭ.

Robiać uražańnie i inšyja vyniki daśledavańnia. Pierakazvaju tezava:

— praciŭnikaŭ pabudovy AES u nas značna bolej, čym prychilnikaŭ;

— bolej za 60% biełarusaŭ — za toje, kab zamiežnikam dazvalali ŭsynaŭlać biełaruskich sirotaŭ;

— perspektyva darahoha hazu pakul nie sparadziła apakaliptyčnych nastrojaŭ, ale razam z tym 53,3% zhodnyja, što heta budzie adnačać razryŭ dačynieńniaŭ, va ŭsiakim razie ekanamičnych, z Maskvoju;

— 58,3% adkazali, što im bližejšyja eŭrapiejcy i amerykancy, i tolki 11,3% — što kitajcy, persy dy venesuelcy.

Kožny vynik možna kamentavać vielmi doŭha, i, mahčyma, my jašče da hetych ličbaŭ vierniemsia.

Pakul ža, pa haračych śladoch, naprošvajecca vysnova, što realnyja nastroi ŭ našym hramadztvie šmat u jakich parametrach zusim nie dapasujucca da aficyjnaj linii i razychodziacca z prapahandysckimi vektarami.

Tak što pesymisty inšym razam peŭna ž pieravialičvajuć ciažar saŭkovaje spadčyny dy stupień zambavanaści paspalitaha ludu.

Prykra tolki, što na hipatetyčnym referendumie ab ustupleńni Biełarusi ŭ EZ, kali b jon ładziŭsia siońnia, praciŭnikaŭ akazałasia b na 0,2% bolej, čym jak prychilnikaŭ dałučeńnia da adzinaj Eŭropy.

Ź inšaha boku, zadača dla našaj apazycyi nie takaja ŭžo i piakielna składanaja! Chiba ahitacyjnaha talentu apanentaŭ režymu nia chopić, kab zavajavać hetyja 0,2%? :)

Tym bolej što i ŭłada inšym razam padhulvaje — akurat dziela "eŭrapiejskich pakazčykaŭ"... :)

P.S. Bolej padrabiaznyja źviestki apytańnia lažać tutaka.

• 0
• 0
• 0
• 0
• 0
• 0
• 0
• 0