Niekalki prostych praviłaŭ, jakija damohuć uratavacca ŭ ciažkuju chvilinu.
Niekalki prostych praviłaŭ, jakija damohuć uratavacca ŭ ciažkuju chvilinu.
U Biełaruś zavitaŭ urahan «Mikałaj». Jon idzie da nas z Paŭnočnaj i Centralnaj Jeŭropy. Sinoptyki papiaredžvajuć, što chutkaść vietru moža dasiahnuć 25—27 m/s (90—97 km/h). Mocny viecier zachavajecca i ŭ sieradu, 9 lutaha. Takija ekstremalnyja ŭmovy tojać u sabie šmat niebiaśpiečnych momantaŭ. Jak siabie pavodzić, kali ŭ časie ŭrahanu vy znachodziciesia ŭ pamiaškańni, apynulisia na vulicy, abo kali škvalisty viecier zaśpieŭ vas u darozie? Jość niekalki prostych praviłaŭ, jakija damohuć uratavacca ŭ ciažkuju chvilinu.
Pad abaronaj ścienaŭ
Na momant razhułu stychii vy znachodziciesia ŭ domie, ale heta nie aznačaje, što vy całkam abaronienyja ad nastupstvaŭ mocnaha vietru. Najpierš niebiaśpieku tojać vokny. Praviercie, ci nadziejna jany začynienyja, a taksama fortki. Pa mahčymaści škło ŭ voknach varta zakleić skotčam pa dyjahanali. Urahanny viecier časta abryvaje linii elektrapieradač, tamu treba zahadzia padrychtavać alternatyŭnyja srodki aśviatleńnia — lichtaryki, śviečki, zapałki. Pakładzicie ich u dastupnym miescy. Paśla taho, jak viecier acichnie, vychodzić na vulicu treba z aściarožnaściu: urahan moh paškodzić dach vašaha domu, kavałki šyfieru abo honty mohuć źvisać z kraju dachu.
Na vulicy
Mocny viecier časta zryvaje frahmienty dachavaha pakryćcia, łomić drevy. Taksama isnuje pahroza atrymańnia ranieńniaŭ askiepkami škła. Kali ŭrahan zaśpieŭ vas pasiarod vulicy, paśpiašajciesia schavacca ŭ padjeździe, kramie, naohuł, u lubym nadziejnym pamiaškańni. Kali jość mahčymaść, u časie mocnaha vietru abminajcie bokam parki i alei. Nie zabyvajcie pra mahčymyja abryvy ŁEP.
U aŭto
Kiroŭcam varta pamiatać pra efiekt bakavoha vietru pry vyjeździe ź lesu na adkrytuju miascovaść. Niečakany paryŭ mocnaha vietru moža kinuć aŭto na ŭzbočynu, abo na pałasu sustrečnaha ruchu. Budźcie maksimalna pilnyja i zahadzia prymajcie aptymalnaje stanovišča na svajoj pałasie ruchu pry nabližeńni da niebiaśpiečnaha ŭčastka darohi. Vy ščaśliva dajechali da miesca pryznačeńnia. Ale rassłablacca jašče rana — samy čas padumać pra toje, dzie pryparkavać aŭto. Nie staŭcie mašynu pad drevami i pobač ź nienadziejnymi pabudovami.
Ina Kulej: Milinkievič pieramoh śmierć, ale šlach da poŭnaha adužańnia niablizki4
Kamientary