Abvinavačany Mikałajeŭ: Ja sapraŭdy maju sudzimaści
Jon nie aryštavany, ale znachodzicca pad padpiskaj ab niavyjeździe.
Andrej Mikałajeŭ, jakoha abvinavačvajuć va ŭdziele ŭ masavych biesparadkach 19 śniežnia, aburany dziejańniami śledstva. Jon nie aryštavany, ale znachodzicca pad padpiskaj ab niavyjeździe. Andrej Mikałajeŭ paviedamiŭ:
— Mnie patelefanavaŭ śledčy i skazaŭ, kab ja pajechaŭ na vulicu Čyhładze, 22. Na budynku ja ŭbačyŭ šyldu: .“Śledčaja ekśpiertnaja narkałahičnaja kamisija” Jak ža ja byŭ ździŭleny, kali mnie tam paviedamili, što ja z 2007 hoda staju na ŭliku jak ałkaholik. Ale kali b heta było praŭdaj, to sa mnoj by narkołah razmaŭlaŭ i niejkaje lačeńnie b pryznačyŭ. Treba ž było b prajści adpaviednaje abśledavańnie.
Ja ŭčora hladzieŭ “Kontury”, dzie kazali, što na akcyi byli adny kryminalniki i pjanicy. Liču, što ciapier admysłova mianie pastavili na ŭlik zadnim čysłom. Ułada choča abialić siabie, ačarniajučy ŭdzielnikaŭ akcyi. U mianie tam doktar spytaŭ, jakoha čysła ja moh vypivać paśla 19 śniežnia. A ja vam skažu praŭdu, kali ja pryjšoŭ dadomu paśla taho žachu, što ja bačyŭ, to, sapraŭdy, napiŭsia. Pakul ja byŭ na hetaj kamisii, bačyŭ, jak pryvieźli jašče dvuch čałaviek u aŭtazaku. Pačuŭ proźvišča adnaho, zdajecca Paźniak. Kanvair kazaŭ, što palityčnych pryvieźli. Vidać, heta tyja, kaho trymajuć pad vartaj. Ja nie ŭtojvaju, što ŭ svaje 35 hadoŭ maju čatyry sudzimaści. Raniej ja nikoli nie ŭdzielničaŭ u akcyjach apazicyi. 19 śniežnia pajšoŭ pahladzieć, jak usio adbyvajecca nasamreč i paraŭnać z tym, što potym kažuć i pakazvajuć pa BT. Ja asabista škło nie biŭ. Ja byŭ ŭ pieršym łancuhu na hanku Doma ŭradu. Zdymaŭ usio na fotakamieru. Kali da mianie pryjšli praź niekalki dzion paśla akcyi, to adrazu spytali, što ja źniaŭ i ci paśpieŭ niešta skinuć u internet. Siońnia ja pajšoŭ u śledčy kamitet na vulicu Sapioraŭ, dzie mnie viarnuli kamieru i dyski, a vinčeścier addać admovilisia. Skazali, što jaho jašče treba praviarać”.
Śledčy nie skazaŭ Andreju Mikałajevu, kali jaho spravu pieradaduć u sud. Niekalki razoŭ jaho dapytvali ŭ vajskovaj kontrraźviedcy i da siońniašniaha dnia bolš nikudy nie vyklikali.
Ciapier čytajuć
Kaleśnikava: Ja nie razumieju, čamu Jeŭropa nie pačała pieramovy z Łukašenkam raniej za ZŠA31
Kamientary