Dźmitryjeŭ: My śviadoma nie robim pravakacyj pad voknami Niaklajeva
Andrej Dźmitryjeŭ z hetaj nahody adkazaŭ na pytańni NN.
Siońnia kaardynatary «Havary praŭdu» adznačyli ŭhodki kampanii. Andrej Dźmitryjeŭ z hetaj nahody adkazaŭ na pytańni NN.
«NN»: Nakolki etyčna było adznačać uhodki startu kampanii, kali Uładzimir Niaklajeŭ, Alaksandr Fiaduta jašče aryštavanyja?
AD:
Adznačeńnie ŭhodkaŭ kampanii my ŭzhadnili praz svaje srodki suviazi ź Niaklajevym. Heta byli jaho ideja i prapanova.I Niaklajeŭ pieradaŭ nam vinšavalnyja ryfmavanyja radki. Jon skazaŭ, što heta patrebna zrabić, kab prademanstravać, što my jość, i toje, na što jon pakłaŭ hety hod, što zaraz adbyvajecca, heta vynik našaj pracy. Heta spravazdača, kab pakazać nie tolki jakija my pryhožyja, a kab pakazać za što Niaklajeŭ siońnia znachodzicca ŭ hetym stanie. Usio ŭzhodniena ź im.
«NN»: Nie pravodziacca akcyi salidarnaści kala doma Niaklajeva. Čamu?
AD: My rabili «partretnyja akcyi» pa 16 haradach Biełarusi, udzielničali ŭ akcyjach salidarnaści. My naźbirali častku hrošaj, jakija pajšli na vypłatu 14 młn rubloŭ [za paškodžanyja dźviery ŭ Domie ŭrada 19 śniežnia]. Inšaja sprava, što
spravakavać jaho siońnia, pravioŭšy kampaniju pad voknami, vielmi prosta. Ja vielmi dobra viedaju Niaklajeva — jon padydzie da akna. Rabić hetuju kampaniju — značyć zusim ździekavacca z čałavieka. Naša siońniašniaja pazicyja — lepš jon nie moža padyści da akna ŭ siabie ŭ chacie, čym jon budzie volna padychodzić da akna ŭ SIZA KDB. Tamu my nie robim pravakacyj takoha kštałtu pad jaho voknami.
«NN»: Hod pracy «HP» prajšoŭ. Što dalej?
AD:
Siońnia my abviaścili ab starcie kampanii «Narodnaja salidarnaść».My ličym toje, što adbyvajecca ŭ krainie, skončycca tady, kali heta budzie zapatrabavana nie zvonku, a ŭnutry krainy. Tamu my pačynajem pracavać «ad dźviarej da dźviarej». My pojdziem da ludziej z tym, kab danosić infarmacyju. My padrychtujem zajavy, jakija jany zmohuć dasłać u prakuraturu, Administracyju prezidenta z patrabavańniem, kab spyniŭsia palityčny pieraśled. Ličym, što hramadski praces, hramadski cisk na ŭładu važny. Taksama
ŭ 26 haradach, dzie jość struktury «Havary praŭdu», my siońnia padajom zajavy na pikiety salidarnaści na 19 i 25 sakavika.
«NN»: Paśla ŭsiaho cisku na kampaniju, zastałosia kamu pracavać?
AD: Kamanda pamienšała. Kali kampanija prezidenckaja skončyłasia ŭ nas było 50 štaboŭ, jakija pavinny byli pieratvarycca ŭ rehijanalnyja i dalej pracavać.
Siońnia heta 20 štaboŭ, jakija pracujuć u štodzionnym režymie.Asnoŭnaja zadača, jakuju my pierad saboj pastavili, — «pierakavać» maralny pratest u palityčny.
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam19
Kamientary