Biskup Kaškievič padtrymaŭ haładoŭnikaŭ

Čaćviorty dzień praciahvajecca post-haładoŭka viernikaŭ parafii Najśviaciejšaj Panny Maryi Vastrabramskaj, Maci miłasernaści ŭ Horadni. Na ciapierašni momant u haładoŭcy ŭdzielničaje 17 čałaviek razam z ksiandzom Alaksandram Šemietam. Takim čynam kolkaść haładoŭnikaŭ za vychodnyja ŭzrasła na 4 čałavieki.

Ciaham vychodnych kiepska zrabiłasia dvum viernicam. Unačy na paniadziełak hipertaničny kryz zdaryŭsia z 68-hadovaj Terezaj Miłašeŭskaj, jaje zabrała dadomu dačka, jakaja žyvie kala kaplicy. Spadarynia Miłašeŭskaja była vymušanaja pierapynić svaju haładoŭku. Chutkaja dapamoha taksama pryjaždžała da 71-hadovaj Ireny Hiluk, ale apošniaja zastałasia z udzielnikami postu-haładoŭki.

Viernicy žyvuć u kaplicy i abviarhajuć raniejšuju infarmacyju, što jany na noč buduć chadzić dadomu.

Učora haładoŭnikaŭ naviedaŭ biskup haradzienskaj jeparchii Alaksandar Kaškievič razam ź inšymi śviatarami z Horadni, Lidy dy inšych miestaŭ. Biskup Kaškievič vystupiŭ ź nievialičkaj pramovaj pierad imšoj, dzie adznačyŭ, što jon razam ź viernikami ŭ ichnim zmahańni za spraviadlivaść.

Ajciec Šemiet kaža, što nie čakaŭ vizytu takoha vysokaha hościa. «Dla mianie heta była nadzvyčaj pryjemnaja niečakanaść, – kaža śviatar. – Biskup błasłaviŭ nas u našaj spravie, a paśla pryvatna zapytaŭsia, čamu ja nie pryjšoŭ napiaredadni postu-haładoŭki ŭ kuryju, kali mianie vyklikali. Adkazaŭ ščyra, što zabajaŭsia, zabajaŭsia taho, što akcyja nia budzie padtrymanaja».

U poście-haładoŭcy pa-raniejšamu nia ŭdzielničaje nivodny mužčyna. «Jany ŭsie bajacca, – kaža ajciec Šemiet. – Paśla, kaniečnie, im budzie soramna pierad hetymi śviatymi žančynami, što haładali nie jany, ale ciapier achvotnych dałučycca da nas mužčynaŭ niama».

Učora haradzienskich haładoŭnikaŭ taksama naviedali pradstaŭniki Sajuzu palakaŭ, što ŭznačalvaje Anžalika Borys, polski konsuł u Horadni, vierniki mienskaj pratestanckaj carkvy «Novaje žyćcio». Usie jany vykazali haładoŭnikam svaju salidarnaść i padtrymku.

Pakul niama nijakaj reakcyi ad haradzienskich uładaŭ, ale ksiondz Alaksandar kaža, što i nie čakaŭ na jaje tak chutka. «Moža, zaŭtra što budzie bolš-mienš viadoma». – kaža jon.

Siońnia Alaksandar Šemiet źviarnuŭsia ŭ abłvykankam z prośbaj zabiaśpiečyć medycynski ahlad haładoŭnikam. U abłvykankamie paraili pieratelefanavać pa hetym pytańni paśla 16:00. Adnak ajciec Šemiet skazaŭ, što ŭ takim vypadku budzie źviazvacca z chutkaj dapamohaj pa telefonie.

❏

Nahadajem, što post-haładoŭka viernikaŭ parafii Najśviaciejšaj Panny Maryi, Maci miłasernaści. pačałasia 1 śniežnia. Haładoŭniki damahajucca, kab haradzkija ŭłady dali piśmovy dazvoł na pabudovu chramu, jakoha parafijanie nia mohuć atrymać dziesiać hadoŭ.

❏

Raniej na hetuju temu

Ajciec Alaksandar Šemiet: Budu haładać stolki, kolki dazvolić Boh

Haładoŭka jak prykmieta času

Haradzienskija kataliki pahražajuć haładoŭkaj

Fota Catholic.By

• 0
• 0
• 0
• 0
• 0
• 0
• 0
• 0