U chutkim časie Kastryčnickaja płošča Minska, jak u staryja dobryja dzievianostyja, znoŭ na niekalki hadoŭ pieratvorycca ŭ vielizarnuju budoŭlu — tut buduć uzvodzić padziemny šmatpaviarchovy parkinh na 600 miescaŭ.
Pad šumok Anton Astapovič, staršynia našaha dobraachvotnaha tavarystva achovy pomnikaŭ historyi i kultury, vyrašyŭ prapanavać kiraŭnictvu Minharvykankama ŭziać i adnavić daminikanski kaścioł sv. Tamaša Akvinskaha, na moj pohlad, najpryhažejšy ź minskich chramaŭ. Nu sapraŭdy, čamu b i nie, inviestycyi ŭ paraŭnańni z budaŭnictvam parkinha adnosna nievialikija, a horad atrymaje niadrennuju słavutaść i troški padpravić stračanaje svajo abličča.
Całkam vierahodna, daminikanski kaścioł razam z pravym bokam Zybickaj — heta apošnija bujnyja (z realnych) prajekty pa rehienieracyi histaryčnaha centra horada.Bolš mnie ničoha na rozum nie prychodzić z taho, što možna było b adnavić. Chiba što jašče viarnuć Ruskamu teatru maŭrytanski vyhlad charalnaj sinahohi.
Škada, ale ja praktyčna ŭpeŭnieny, što Astapoviča, prynamsi hetym razam, praihnarujuć, zrešty, za spros nie dajuć u nos. Tym bolš,
jon prapanuje vielmi ideałahična dakładnaje prystasavańnie budučaha adnoŭlenaha kaścioła: «Pad kancertnuju zału dla dvuch hałoŭnych muzyčnych kalektyvaŭ Respubliki Biełaruś — Prezidenckaha arkiestra Respubliki Biełaruś pad kiraŭnictvam Viktara Babarykina i Nacyjanalnaha akademičnaha kancertnaha arkiestra Biełarusi pad kiraŭnictvam Michaiła Finbierha». Dobra jašče, nie pad ladovy pałac, heta było b zusimbo zrazumieła, što kali chtości pamianiajecca naviersie, Babarykin ź Finbierham tut ža pojduć pa starych adrasach, a ŭ kaścioł viernucca ksiandzy. Tut hałoŭnaje, kab budynak byŭ adnoŭleny, a pryznačeńnie jaho zaŭsiody možna źmianić.pa-jezuicku ,
Pra kaścioł i manastyrski kompleks padrabiaźniej tut. Rendary i tekst lista Astapoviča tut.
-
Na polskim aŭkcyjonie za 700 jeŭra pradajuć staradaŭniuju knihu ź biełaruskaj parafii. Jak takija rarytety mohuć vyvozić za miažu?
-
Vyjšła kniha «Biełarusy ŭ Łatvii (1918—1945)»
-
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny19
Kamientary