Ci kapitulavaŭ Łukašenka? Piša Alaksandar Kłaskoŭski.
Łukašenka ŭ Maskvie skazaŭ siońnia, što jany z Pucinym "znajšli tuju nitku, za jakuju zmožam učapicca".
U hetym kantekście prahučała, što nieŭzabavie mohuć być źniatyja balučyja pytańni kanstytucyjnaha aktu dy adzinaj valuty (čytaj: uviadzieńnia rubla ź dźviuchhałovym arłom).
Dyk što, kapitulacyja?
Pačakajma, pakul prasočycca bolej infarmacyi z kramloŭskich dy mienskich kuluaraŭ.
Adnak ja nia raiŭ by śpiašacca z vysnovami.
Adzinaje, što Łukašenka zaraz moža vyjhrać u dvuboi z Pucinym, — heta vyjhrać čas. Što biełaruski partner peŭna i budzie rabić z usim ułaścivym jamu talentam.
Na Rasieju voś-voś nabiažyć čarhovaja elektaralnaja chvala. Pytańni ž pra kanstytucyjny akt dy adziny rubiel vymahajuć referendumu. Kramlu, badaj, nia nadta zručna, kab heta było ŭ adnym flakonie z pytańniem "pierajemnaści ŭłady" (choć znajści prałaz u zakanadaŭstvie nie prablema).
Hałoŭnaje ž, što biełaruski kiraŭnik atrymlivaje vydatny absiah dla maneŭru, jakoha, zdavałasia b, užo nie zastałosia ni na kvadratny milimetr.
"Uvohule referendumy — stychija biełaruskaha aficyjnaha lidera", — tolki što nahadaŭ mnie pry abmienie ŭražańniami pra viestki z Kramla ekanamist Jarasłaŭ Ramančuk.
Na jahonuju dumku, mienavita abiacańni kanstruktyŭna padyści da pytańniaŭ, što praciskaje Kreml, mohuć stać adzinym časovym paratunkam dla biełaruskaha boku.
Tolki hetaja hulnia, jakoj Miensk vałodaje daskanała, zdolnaja, na dumku Ramančuka, "adsunuć uviadzieńnie deklaravanych žorstkich zachadaŭ ŭ pytańniach nafty dy hazu".
Padobnaha mierkavańnia pra taktyku biełaruskaha boku prytrymlivajecca i palitolah Valer Karbalevič.
Ź jahonych słovaŭ, rasiejcy, u pryvatnaści ichni ambasadar Surykaŭ, sami ŭvieś čas ćvierdzili, što stvareńnie sajuznaje dziaržavy aŭtamatyčna zdymie pytańnie cenaŭ na enerhanośbity. Voś Miensk i ŭchapiŭsia za hetuju tezu, znoŭ, musić, daŭ abiacańni, što u sajuznym budaŭnictvie budzie prahres.
Inšaja reč, što hulnia čym dalej, tym bolej ryzykoŭnaja.
A što, zrešty, zastajecca?
Pabačym, ci spraŭdzicca zajava Karahanava, što hetym razam Maskva daviadzie spravu da kanca.
I potym, u filazafičnym planie, kaniec zaŭždy jość adnačasna i pačatkam :)
Sačyćmiem za navinami!
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary