Kali na sudzie ja i vyhladaŭ stomlenym, dyk heta tolki žal pa sychodziačaj viaśnie. Piša Aleś Kirkievič.
Kali na sudzie ja i vyhladaŭ stomlenym, dyk heta tolki žal pa sychodziačaj viaśnie. Piša Aleś Kirkievič.
Narešcie źjaviłasia mažlivaść napisać vam list. Ja na Vaładarcy, abžyvajusia. Kali na sudzie ja i vyhladaŭ stomlenym, dyk heta tolki žal pa sychodziačaj viaśnie:). Toje, što mušu skazać, daść Boh, jašče skažu. A pakul…
Novaja «chata», novyja ludzi, novyja historyi. Kali «Amierykanka» pryniała, dyk Vaładarka zahłynuła. Sustreŭ etap z Žodzina ŭ adstojniku. Nachabnyja maładyja tvary. Drapiežnyja vočy, zmučanyja… prosta zmučanyja. Ale viasiołyja. Skułasty «sini» chłapiec, niejki zanadta małady pacan, jaki na žal, nie sustreŭ Makaranki na svaim žyćciovym šlachu, armianin u palito, a la raskolnikaŭ, azijat ź nievymoŭnym proźviščam i paviazkaj na tvary…
Niechta nie ŭpieršyniu, ale nadoŭha. Niechta «pieršachodam», ale zapomnić nazaŭždy. Usie siudy: paciakuć pa stravavodu Piščałaŭskaha zamku, vuzkimi kalidorami, krutymi leśvicami, pad nizkimi bramami… Prahłynuła. Nie padaviłasia. Nu dyk «smacznego».
Dziakuj za ŭsio! Pośpiechaŭ, mužnaści, Božaj achovy.
Vierym! Možam! Pieramožam!
- Zažyvuć razadranyja ruki
Uśmichniecca viasiołkaju nieba
Smak salony miadovaj razłuki
Adčuvaju ŭ bochanie chleba.
Biercy boju čakajuć na składzie
Raśćvituć pieravułki ściahami
Nie šukaj supakoju ŭ ładzie
Siońnia ź imi ty, zaŭtra — z nami!
- Kraty režuć błakit niebaschiłu
Pył adčaju ŭ lohkich asiadzie
Reštu kinie ruka na mahiłu…
Chto kamu?
Pažyviem dy pahladzim!
Alaksandr Kirkievič, turma Vaładarka, Minsk
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ8
Kamientary