Centralny kamitet Kamunistyčnaj partyi Rasijskaj Fiederacyi (KPRF) patrabuje ad kiraŭnictva Rasii spynić «dvudušnuju palityku» adnosna bratniaj Biełarusi.
Jak adznačajecca ŭ zajavie za podpisam lidara KPRF Hienadzia Ziuhanava, «rasijskaja ŭłada pavodzić siabie kryvadušna adnosna našaha leź nie adzinaha stratehičnaha sajuźnika — Biełarusi». «Publična robiacca dekłaracyi ab padtrymcy Biełarusi, jakaja ciapier apynułasia ŭ ciažkim stanoviščy. Adnak tut ža, jak by nieznarok, robiacca kroki, jakija viaduć da ŭskładnieńnia ekanamičnaj situacyi ŭ braterskaj krainie», — adznačajuć kamunisty.
U jakaści prykładu ŭ zajavie pryvodzicca situacyja z pastaŭkami ŭ Biełaruś rasijskaj elektraenierhii.
Rasijskaja ŭłada, adznačajecca ŭ zajavie, «z zadavalnieńniem daruje šmatmiljardnyja dołaravyja daŭhi krainam, jakija znachodziacca pad amierykanskaj akupacyjaj, ale nie žadaje pryniać da ŭvahi časovyja ciažkaści svajho najbližejšaha sajuźnika».
«Takuju palityku nielha nazvać navat dobrasusiedskaj, nie kažučy ŭžo pra sajuźnickuju. Padobnyja dziejańni vyklikajuć uchvału tolki zachodnich rusafobaŭ, jakija nie stamlajucca šalmavać niezaležnuju Biełaruś», — miarkujuć u CK KPRF.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary