Niaklajeŭ: «Chaj Łukašenka prabačeńnia paprosić u palitviaźniaŭ, i ŭsiaho biełaruskaha naroda»
«Niachaj Łukašenka (jamu heta niaciažka) pakliča tych chłopcaŭ z dubinkami, niachaj adzin z tych chłopcaŭ, hetaksama jak mnie, dva razy šandarachnie pa hałavie i tady pabačym, pad jakuju koŭdru jon schavajecca».
Padčas piatničnajpres-kanfierencyi Łukašenka zhadaŭ Niaklajeva i skazaŭ, što toj 19 śniežnia chavaŭsia ŭ lakarni pad koŭdraj.
Jak vy možacie prakamientavać takuju zajavu?
«Ja nie źbirajusia spračacca z Łukašenkam na takoha kštałtu temy. Lepš nie tearytyčnym šlacham takoha kštałtu vyrašać sprečki, a empiryčnym.
Niachaj Łukašenka (jamu heta niaciažka) pakliča toje śpiecpadrazdialeńnie, tych chłopcaŭ z dubinkami, niachaj adzin z tych chłopcaŭ, hetaksama jak mnie, dva razy šandarachnie pa hałavie i tady pabačym, pad jakuju koŭdru jon schavajecca ci jon pabiažyć u svaju rezidencyju, nibyta ničoha nie adbyłosia,kiravać krainaj i šukać tryljon hrošaj, kab pabudavać u nas novaje ščaślivaje hramadstva.
Cynizm rytoryki ŭ adnosinach da mianie ja jašče pieražyvu. Ale toje, što jon kaža pra tych chłopcaŭ, palitviaźniaŭ, jakich jon pasadziŭ u turmy, toje, jak jon abychodzicca zaraz ź imi, ź ich rodnymi, nie dajučy im spatkańniaŭ, toje, što tam jość ludzi, jak Bułanaŭ, jakija znachodziacca pad pahrozaj śmierci. Bo ŭ jaho takaja chvaroba, jon moža skanać u hetaj turmie, jamu treba ŭ špital, voś chaj jon pra heta padumaje. Chaj jon prabačeńnia paprosić u hetych ludziej i ŭsiaho biełaruskaha naroda, i ŭ Biełarusi, jakuju jon davioŭ da taho, što lepšych dziaciej Biełarusi źbivajuć dubinkami, a jon z hetaha cynična naśmichajecca».
Jak vy možacie prakamientavać hetuju
«Zaraz ciahniecca sproba ratavać siabie, ratavać uładu, nichto nie robić realnych krokaŭ dla taho, kab pačalisia realnyja reformy i kab nasamreč niešta źmianiłasia. Hulajuć u toje, kab samazachavacca. My zaraz padličyli z ekanamistami, što za čas abvału rubla hetaja ułada — voś kaho treba bić pa hałavie — hetaje čynavienstva, za hetyja dva miesiacy nakrała ŭ try razy bolej, čym nam treba da stabilizacyi ci, va ŭsiakim vypadku, dla taho, kab vyrašyć manietarnuju prablemu kryzisu. Voś pra što b ja na jahonym miescy dumaŭ».
Ci ličycie vy
Niaklajeŭ: «Niahledziačy na toje, što adbyłosia, niahledziačy na toje, što jon skazaŭ, usio adno treba. Kali ty zajmajeśsia palitykaj, to treba razmaŭlać sa svaim apanientam, navat kali jon sprabuje machać dubinkaj».
Jeŭraradyjo: Ci jość na siońniašni momant prykłady dyjałohu ŭłady i hramadskaści?
«Pakul hramadskaść usialak prapanuje dyjałoh. Toje, što nazyvajecca «Revalucyjaj praz sacyjalnyja sietki», što moładź biełaruskaja prydumała, heta taksama prapanova dyjałohu. Moładź pryjšła na Płošču plaskać u dałoni. I jak uspryniała heta ŭłada? Tak jak uspryniała — znoŭ pa adnym takim chapunku zrabili, kaho tam uziali, znoŭ dubinkami pa hałavie… Voś i ŭvieś dyjałoh.
Pakul nie źmienicca heta, datul my budziem ź imi zmahacca, jakimi b dubinkami nas nie bili».
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny24
Kamientary