U nas try palitviaźni: Sańnikaŭ, Us i Statkievič.
«Chaj Niaklajeŭ raskaža, čamu schavaŭsia pad koŭdraj u balnicy 19 śniežnia? Tyja choć ludziej na šturm paviali, a dzie ty byŭ? A siońnia jon prychodzić da topajučych, vieršyki pačytvaje», — hrymieŭ Alaksandr Łukašenka.
Jon taksama čarhovy raz pierakonvaŭ u tym, što sapraŭdy vyjhraŭ vybary. «Siońnia nichto nie stavić pad sumnieŭ vyniki prezidenckich vybaraŭ. Nichto nie stavić pytańnie ab lehitymnaści».
Jon taksama namiaknuŭ, što hatovy razhladać pytańnie pra vyzvaleńnie palitviaźniaŭ: «Dy nie budziem my ich u hetaj turmie trymać. Vielmi doraha». «Zanadta heta vialiki honar dla ich — apahańvać turmy, tam dastojnyja ludzi siadziać».
Jon skazaŭ, što heta moža adbycca, kali pra toje paprosić ministr zamiežnych spravaŭ abo hramadskaść, u pryvatnaści, Biełaruskaja asacyjacyja žurnalistaŭ.
Pry hetym jon skazaŭ, što ŭ nas «nie 180», «u nas ža tolki try čałavieki asudžanyja: Sańnikaŭ, Us i Statkievič».
Ciapier čytajuć
«Biełaruś ciabie lubić». Repartaž z raźvitańnia ź Mikitam Miełkazioravym6
Kamientary