Razhuł libieralizmu: Brescki abłasny sud zadavoliŭ skarhu aktyvista BCHD
Brescki abłasny sud zadavoliŭ skarhu aktyvista arhkamiteta pa stvareńni partyi «Biełaruskaja chryścijanskaja demakratyja» Dźmitryja Šurchaja.
Jak paviedamiŭ pravaabaronca Raman Kiślak, 21 lipienia abłsud admianiŭ pastanovu suda Maskoŭskaha rajona Bresta i nakiravaŭ administracyjnuju spravu aktyvista na novy razhlad.
«Šurchaj nie zhodny z pastanovaj suda ad 29 červienia 2011 hoda, jaki nałažyŭ administracyjnaje spahnańnie ŭ vyhladzie aryštu terminam na siem sutak zhodna z artykułam 17.1 KoAP. U sud jon padaŭ dadatkovyja dokazy ab niezakonnaści i nieabhruntavanaści vyniesienaj ŭ dačynieńni da jaho pastanovy, a taksama dokazy parušeńnia hramadzianskich pravoŭ padčas składańnia pratakoła ab administracyjnych pravaparušeńniach i padčas razhladu spravy ŭ sudzie», — skazaŭ pravaabaronca.
U pryvatnaści, jak śćviardžaŭ aktyvist, było vidać, što pratakoł składali niekalki asob, choć pad dakumientam stajaŭ podpis adnaho supracoŭnika milicyi.
«Akramia hetaha, sud nie daśledavaŭ źmiest tych niecenzurnych słoŭ, jakija, pavodle pakazańniaŭ supracoŭnikaŭ milicyi, niby skazaŭ Šurchaj. Aktyvist ličyć, što na rajonny sud byŭ akazany ŭcisk i sprava ab administracyjnych pravaparušeńniach suprać jaho było sfabrykavanaja supracoŭnikami milicyi dla taho, kab aryštavać i izalavać na čas praviadzieńnia maŭklivaj akcyi pratestu ŭ Breście 29 červienia. Šurchaj ličyć, što heta pomsta za vykazvańnie pohladaŭ, jakija adroźnivajucca ad pazicyi dziejnaj vykanaŭčaj ułady», — skazaŭ Kiślak.
Šurchaj byŭ zatrymany 28 červienia na vulicy Janki Kupały ŭ Breście i dastaŭleny ŭ Maskoŭski RAUS. Tam u dačynieńni da aktyvista arhkamiteta BCHD byŭ składzieny pratakoł ab administracyjnym pravaparušeńni.
«Siarod administracyjnych spraŭ u suviazi z maŭklivymi akcyjami pratestu heta pieršaja, pastanova pa jakoj admieniena abłasnym sudom», — padkreśliŭ pravaabaronca.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary