4 žniŭnia adyšoŭ u inšy śviet viadomy biełaruski archieołah.
(4.09.1928 – 4.08.2011)
4 žniŭnia 2011 h. adyšoŭ u inšy śviet viadomy biełaruski archieołah Jarasłaŭ Źviaruha. Jaho daśledavańni byli pryśviečany historyi rehijonu Vierchniaha Paniamońnia ŭ rańnim Siaredniavieččy. Jon adkryŭ i ŭvioŭ u navukovy ŭžytak bolš za 30 pomnikaŭ archieałohii i, jak daśledčyk hetaha rehijona, niepaźbiežna sutykaŭsia z prablemaju bałta-słavianskich kantaktaŭ. Pišučy pra ICH—CHIII st. Źviaruha zaznačaŭ, što “słavianie sutyknulisia ŭ Paniamońni nie ź biaźludnymi prastorami, choć byli i takija (naprykład, Haradzienskaja i Nalibockaja puščy), a husta nasielenymi ziemlami z daŭnimi ziemlarobčymi i žyviołahadoŭčymi tradycyjami”.
Jak i ŭ luboha daśviedčanaha archieołaha, u Jarasłava Źviaruhi byli niezvyčajnyja znachodki i svaje zabaŭnyja historyi. U Vaŭkavysku, jaki ŭvohule byŭ fienamienalnym centram kastareznaj vytvorčaści, na Šviedskaj hary archieołah upieršyniu ŭ Biełarusi znajšoŭ kostki paŭlina.
Jarasłaŭ Źviaruha pachodziŭ z Zachodniaj Biełarusi – jon naradziŭsia ŭ Miadzieli. U 1950—1970 hadach u minskim akademičnym asiarodździ ŭradžencam Zachodniaj Biełarusi prychodziłasia demanstravać dadatkovuju łajalnaść, kab dasiahnuć niejkich pośpiechaŭ u prafiesijnaj karjery. Da taho ž, biełaruskaja karparacyja archieołahaŭ – tradycyjna vielmi kankurencyjny asiarodak, jaki poŭniŭsia ŭzajemnymi padazreńniami. Na hetym fonie Jarasłaŭ Źviaruha jaŭna vyłučaŭsia svajoj strymanaściu i pryvietnaściu.
Sa śmierciu Jarasłava Źviaruhi my zhubili daśviedčanaha prafiesijanała i čałavieka, da razvažlivaści jakoha možna było apielavać u časy niapeŭnaści.
Ciapier čytajuć
Miedyjny pres-sakratar MNS Vital Damboŭski pajšoŭ u psichołahi-seksołahi3
Kamientary