Akty vandalizmu adbyvajucca na Haradzienščynie nie ŭpieršyniu.
Nieviadomyja vyviarnuli ź ziamli piać pomnikaŭ vajskoŭcaŭ‑musulman časoŭ pieršaj usiaśvietnaj vajny. Adnu nadmahilnuju plitu raźbili.
Musulmanskija mohiłki (u Słonimie ich nazyvajuć tatarskimi) znachodziacca prykładna za piać kilametraŭ ad horadu, u lesie. Učora imam‑staršynia abjadnańnia słonimskich musulman Sulejman Bajrašeŭski viarnuŭsia z pałomnictva ŭ Meku, i prychadžanie adrazu paviedamili jamu niepryjemnuju navinu.
(Bajrašeŭski:) «Šostaha studzienia zaŭvažyli, što piać pomnikaŭ pavaleny i šosty raźbity. Ubačyli heta, kali chavali adnaho z musulman. Ale ja byŭ na mohiłkach jašče ŭ listapadzie i śniežni – usio vyhladała narmalna».
Sa słoŭ Bajrašeŭskaha, vyviarnuli pomniki vajskoŭcaŭ‑musulman pieršaj usiaśvietnaj vajny, jakija słužyli ŭ carskim vojsku. Pomniki byli pastaŭleny ŭ 20‑ia hady minułaha stahodździa, tamu nadpisy na ich zrobleny pa‑polsku (tady Zachodniaja Biełaruś uvachodziła ŭ skład Polščy).
Sulejman Bajrašeŭski paviedamiŭ, što źvierniecca z zajavaj u milicyju. Pavodle jaho, musulmanskim mohiłkam u Słonimie kala 300 hadoŭ i vierniki paśladoŭna dahladajuć ich.
Słonimski žurnalist i krajaznaŭca Siarhiej Čyhryn raspaviadaje, što vandały na hetych mohiłkach učyniajuć škodu ŭžo nia pieršy raz.
Čyhryn: «Niekalki hadoŭ tamu abmalavali miačet u Słonimie. A jašče ŭ Słonimie paru hadoŭ tamu zabili maładych chłopcaŭ i zakapali na hetych musulmanskich mohiłkach, jakraz niedaloka ad tych mahił, ź jakich niechta ciapier paździekavaŭsia».
Nahadaju: akty vandalizmu na Haradzienščynie adbyvajucca nie ŭpieršyniu. Niekalki hadoŭ tamu na haradzienskich vajskovych mohiłkach niechta paźbivaŭ kryžy na mahiłach polskich vajskoŭcaŭ. Jašče ŭ 50‑ia hady na miescy starych habrejskich mohiłak zbudavali haradzki stadyjon, a paźniej, padčas jaho rekanstrukcyi, vykapanyja pareštki vyvozili na haradzki śmietnik.
Zdymak Radyjo Svaboda>.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści41
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary