Pra heta zajaviŭ hałoŭny trenier nacynalnaj zbornaj na pres-kanfierencyi ŭ Minsku.
Hałoŭny trenier zbornaj Biełarusi Biernd Štanhie napiaredadni adboračnaha matču čempijanatu Jeŭropy suprać Bośnii i Hiercahaviny adznačyŭ, jaki šaniec jość u daručanaj jamu kamandy prabicca ŭ płej-of čempijanatu Jeŭropy, pryznaŭsia, što šakavany traŭmaj Vitala Radzivonava i panarakaŭ, što ŭ Minsku nie adčuvajecca atmaśfiera śviata pierad hulnioj.
«U piatnicu 2 vieraśnia nadychodzić toj momant, kali ŭsie pavinny pakazać čaho dasiahnuli i čaho možam dasiahnuć. U hety momant kožny futbalist staić pierad paroham: dabjusia ja čahości bolšaha ŭ svajoj karjery ci nie.
U nas jość vialiki šaniec paśla dvuch hulniaŭ z Bośnijaj i hulnioj u Rumynii vyjści ŭ plej-of čempijanatu Jeŭropy. I my pavinny supraćpastavić siłu kamandy indyvidualista z Bośnii. Takim, jak Džeka i Pjanič.
Traŭmy Radzivonava i Jureviča byli dla nas šokam. My pavinny ich kimści zamianić. Dla hetaj mety pryjeduć Karnilenka i Bardačoŭ.
Matč z Bośnijaj adzin z najvažniejšych u historyi zbornaj, ale ŭ horadzie, u mietro, u aŭtobusach niama nijakich płakataŭ, raściažak, afišaŭ. Nie adčuvajecca atmaśfiera budučaha matču.My dabilisia dobrych vynikaŭ, pieramahli francuzaŭ, a na nastupny matč u Minsku byŭ paŭpusty stadyjon [ź Luksiemburham]. I havorka nie pra vyniki zbornaj, a pra niešta inšaje. Treba vučycca pradavać futboł jak pradukt. Heta pytańnie markietynhu», - skazaŭ Štanhie.
***
Matč Biełaruś -- Bośnija projdzie 2 vieraśnia na minskim stadyjonie "Dynama". pačatak u 20:30. Cana biletaŭ ad 5 tys. da 60 tys.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary