Praciahvajecca praces pa vybuchu ŭ mietro. U zale suda prysutničała maci Kavalova. Jana pasłała jamu pavietrany pacałunak ŭ kancy pasiadžeńnia... Kavaloŭ pryznaŭsia, što chacieŭ zarabić miljon... Repartaž karespandenta NN.
17.00
Abvieščany pierapynak da 11.00 aŭtorka.
16.20–16.46
Začytvajecca pratakoł načnoha dopytu Kavalova ad13.04.2011 .
Kavaloŭ svajoj rukoj napisaŭ, što admaŭlajecca ad abaroncy.
Kavaloŭ pakazaŭ, što nie cikaviŭsia ŭ Kanavałava 10.04, čamu sumka ciažkaja. Ukazvaŭ tady na 20–25 kh — vahu sumki.
Paśla raśpićcia harełki 11.04 Kanavałaŭ pakazaŭ Kavalovu pradmiet, jaki nahadvaŭ birulku. Ale Uładzisłaŭ nie viedaje, navošta Kanavałaŭ heta zrabiŭ.
Prakuror zadaje pytańni.
Kavaloŭ kaža, što paśla taho, jak byŭ zapisany hety pratakoł ad 13.05, jamu skazali, što hetym słovam nichto nie pavieryć.
«Ja nie dumaju, što heta Kanavałaŭ uzryvaŭ», — adkazaŭ Kavaloŭ na pytańnie adnaho z paciarpiełych nakont matyva Kanavałava dla ŭčynieńnia vybuchu.
Kavaloŭ skazaŭ, što
Pytańnie pradstaŭnika paciarpiełaha: «Ci pryznajacie vy, što na vakzale była sumka, u jakoj byli butelki?» — «Nie», — adkazaŭ Kavaloŭ.
Kavaloŭ skazaŭ, što da jaho nieadnarazova prychodzili śledčyja, u tym liku i supracoŭniki KDB, na razmovy. Jany nie dakumientavalisia, biez prysutnaści advakata.
Jak Kavaloŭ acaniŭ słovy Varonina, śledčaha Hienprakurory, pra toje, što jon pahavoryć z prakuroram, kali Uładzisłaŭ na sudzie pamianiaje svaje śviedčańni? «Jak svojeasablivuju pahrozu. Mahčyma, budzie akazany mocny cisk».
Kavaloŭ patłumačyŭ, čamu na kožnym novym dopycie źjaŭlalisia novyja detali. Jon skazaŭ, što čerpaŭ ich z razmoŭ z apieratyŭnikami, u tym liku z razmoŭ ź ludźmi, jakija nazyvalisia śledčymi KDB.
U zale suda prysutničała maci Kavalova. Jana pasłała jamu pavietrany pacałunak ŭ kancy pasiadžeńnia. U adkaz Kavaloŭ kiŭnuŭ.
16.00–16.20
Pytańni ad prakuroraŭ da Kavalova.
Kavaloŭ raskazaje znoŭ pra cisk, pra jaki zajaviŭ raniej. Tłumačyć, navošta jamu začytvalisia artykuły z KK RB z roznym pakarańniem pa ich. Kavaloŭ kaža, što davaŭ iłžyvyja śviedčańni tolki tamu, kab paźbiehnuć rasstrełu.
Na papiarednim śledstvie jamu skazali, što ludzi, jakija mianiajuć svaje śviedčańni, atrymlivajuć jašče bolšy termin, čym praduhledžana pa artykule. Tamu raniej na śledstvie nie zajaŭlaŭ pra cisk.
Kavaloŭ taksama paviedamiŭ, što ŭ jaho była razmova adzin na adzin sa śledčym Hienprakuratury Varoninym. Apošni skazaŭ, što kali Kavaloŭ na sudzie navažycca mianiać śviedčańni, to jon, Varonin, pahavoryć z prakuroram. Pry hetym śledčy nie patłumačyŭ, pra što pahavoryć z prakuroram. Hetych słoŭ Kavaloŭ spužaŭsia. Ale ciapier, kali bačyć, što bajacca bolš niama čaho (na TV, maŭlaŭ, zrabili voraha i h.d.), raskazaŭ usio praŭdu, u tym liku pra cisk.
Kali Kavaloŭ padčas dopytaŭ na papiarednim śledstvie kazaŭ pra vybuchi ŭ 2005 i 2008 hadach, to jon, kaža, havaryŭ pra dypierakis acetonu, jaki Kanavałaŭ moh sam vyrabić.
Kavaloŭ skazaŭ, što supracoŭniki HUBAZ jamu paviedamili, što ŭ sumcy ŭ Kanavałava było žoŭtaje rečyva (pra što toj i pavinien byŭ skazać). Ale Kavaloŭ viedaje, što dypierakis acetonu biełaha koleru. Tamu zrabiŭ vysnovu, što rečyva z sumki i jakoje vybuchnuła — roznyja.
10.04 Kanavałaŭ pieradaŭ Kavalovu klučy (ad padvała) «na zachavańnie».
15.54–16.00
Začytvajecca pratakoł dopytu Kavalova ad20.05.2011 .
Zaŭvaha advakata Abrazieja. Advakat padavaŭ chadajnictva, kab da dopytu jamu była pradstaŭlena sustreča z abvinavačanym. Ale ŭ chadajnictvie admovili.
15.34–15.53
Začytvajecca pratakoł dopytu Kavalova ad18.05.2011 . U im havorycca nastupnaje:
Butelki ŭ sumcy Kanavałava byli nie piaci-, a trochlitrovyja. Abiedźvie byli abhornuty adnym arkušam papiery. Linija złučeńnia papiery była sklejena skotčam. Kavaloŭ dziornuŭ za papieru i adarvaŭ jaje. Ad kožnaj butelki praz adtulinu vychodzili pa adnym dratu. Akančeńni dratoŭ nie bačyŭ Kavaloŭ.
Rečyva ŭ butelkach było ćviordym, jak kamień, žoŭtaha koleru.
U hetym pratakole Kavaloŭ uspomniŭ, što 10 krasavika paśla taho, jak vypili harełki na zdymnaj kvatery, ale da pryjezdu dziaŭčat, Kanavałaŭ vychodziŭ adzin z kvatery. Jon skazaŭ, što pajedzie ŭ mietro, kab ahladzieć miesca dla vybuchu. Ale pa viartańni Kanavałaŭ nie kazaŭ pra vybranuju dla vybuchu stancyju.
11 krasavika 2011 hoda, kali Kanavałaŭ padłučyŭ adzin z dratoŭ vybuchoŭski na zdymnaj kvatery da lampački, jana zaharełasia. Lampačka patuchła, jak miarkuje Kavaloŭ, paśla taho, jak skončyła hrać miełodyja ad dźviarnoha zvanka. Zvanok taksama vykarystoŭvaŭsia ŭ vybuchoŭcy. Pa słovach Kavalova, muzyki nie było čuvać, bo dynamik, napeŭna, byŭ vydaleny zahadzia.
Kali pracavaŭ ŭ Viciebsku na čyhuncy, Kavaloŭ pakazaŭ kaleham svaje paznańni ŭ chimii. Pravodziŭ prostyja chimičnyja reakcyi, pra jakija raskazaŭ Dźmitryj Kanavałaŭ. Kavaloŭ paviedamiŭ, što Kanavałaŭ u 10 ci 11 kłasie zadymiŭ uvieś padvał u svaim domie. Ale Kavaloŭ nie viedaje, što tam adbyvałasia. Susiedzi Kanavałava tady vyklikali milicyju.
14.30–15.33
Skončyŭsia hadzinny pierapynak.Adzin z prakuroraŭ padaŭ chadajnictva ab začytvańni pratakołaŭ dopytu Uładzisłava Kavalova ad
29.04.2011 ,18.05.2011 ,20.05.2011 . Začytvajucca.
Zhodna z hetym pratakołam, Kavaloŭ śviedčyŭ, što 9 krasavika jamu pazvaniŭ Kanavałaŭ. Apošni panikavaŭ, bo napiaredadni jon prajšoŭ daktałaskapiju. A na vybuchoŭcy, što nie spracavała ŭ Minsku 3 lipienia 2008 hoda, zachavaŭsia adbitak palca Kanavałava. I Dźmitryj vyrašyŭ pryjechać u Minsk.
Pa śviedčańni Kavalova, ździejśnić vybuch u mietro Kanavałaŭ zadumaŭ paśla armii. Ale chacieŭ ździejśnić vybuch u vahonie mietro. Kanavałaŭ raskazvaŭ, što pry vybuchu ŭ vahonie ŭźnikaje vakuum, jaki choča zapoŭnicca… I ŭźnikajuć paratraŭmy «ci jak heta nazyvajecca».
U hety momant sudździa paprasiŭ «nie davać technałahičnyja momanty». Na pratesty z boku paciarpiełych sudździa skazaŭ, što źviartaŭsia tolki da presy, a nie da prakurora, jaki začytvaje pratakoł.
U hetym dopycie ŭźnik čorny elektronny budzilnik, jaki byŭ častkaj vybuchoŭki. Nibyta Kavaloŭ jaho ŭbačyŭ, kali Kanavałaŭ padklučaŭ draty na zdymnaj kvatery. U hetym pratakole Kavaloŭ śćviardžaje, što izalavaŭ draty Kanavałaŭ čornaj izalentaj. U papiarednim pratakole Kavaloŭ zajaviŭ, što nie viedaje, čym izalavaŭ Dźmitryj.
«Heta nie toje rečyva, jakoje mnie demanstravałasia raniej. Takoha rečava było b patrebna try sumki», — skazaŭ Uładzisłaŭ, aceńvajučy vybuch u minskim mietro. U hetym pratakole Kavaloŭ spasyłajecca na słovy Kanavałava, nibyta apošni sam zrabiŭ vybuchoŭku. I Kanavałaŭ vyvučaŭ litaraturu śpiecyjalnuju.
U pratakole Kavaloŭ nazyvaje rečyva, jakoje Kanavałaŭ sam zrabiŭ dla vybuchaŭ u Viciebsku, — dypierakis acetonu.
Kavaloŭ skazaŭ, što padčas pieratrusaŭ paśla vybuchaŭ u Viciebsku Kanavałaŭ paprasiŭ Kavalova schavać damkrat (damkrat vykarystoŭvaŭsia nibyta pry vyrabie vybuchovaha rečyva). Paśla Uładzisłaŭ byŭ u padvale Kanavałava, dzie toj vyrablaŭ vybuchovaje rečyva.
Kavaloŭ zajaviŭ, što sprabavaŭ «admazać» Kanavałava ad vojska, kali taho zabirali. Chvalavaŭsia, što tam adbitki palcaŭ voźmuć. Ničoha nie ŭdałosia. Ale «praniesła». U Kavalova byŭ znajomy, jaki nibyta moh by dapamahčy. Kanavałaŭ heta viedaŭ i paprasiŭ Uładzisłava źviarnucca da taho znajomaha.
Kavaloŭ patłumačyŭ, jak vyhladaje dypierakis acetonu — «biełaje paraškovaje rečyva, jakoje treba spresavać». Pa słovach Kavalova, Kanavałaŭ paśla sprabavaŭ hetaje rečyva spłaŭlivać. Ale niešta nie ŭdavałasia spačatku, i Dźmitryj doma ŭzarvaŭ stoł.
Zhodna z pratakołam, Kavaloŭ nazvaŭ usie kampanienty dypierakisu acetonu. I zapeŭniŭ, što ŭsie składniki bačyŭ u padvale ŭ Kanavałava.
Taksama vynikaje, što padčas adnaho z vybuchaŭ ŭ Viciebsku Kanavałaŭ byŭ zasmučany, što nichto nie paciarpieŭ.
U pratakole Kavaloŭ apieruje nazvami chimičnych złučeńniaŭ. A taksama pracesami, pry jakich atrymlivajucca vybuchovyja rečyvy. Nibyta pra ŭsio heta raskazvaŭ Kanavałam niekalki hadoŭ tamu.
U pratakole havorycca, što Kavaloŭ viedaŭ pra płanavanyja vybuchi ŭ Minsku kala steły za miesiac, a moža i bolš da trahiedyi.
Kanavałaŭ raskazvaŭ Kavalovu, jak prajšoŭ na miesca praviadzieńnia kancerta 3 lipienia 2008 hoda. Pakazaŭ achovie pakiet, u jakim byli pakiety ad soku i banan. Achoŭnik pahladzieŭ i prapuściŭ. Kanavałaŭ, jak vynikaje z dopytu Kavalova, padčas vybuchu 3 lipienia znachodziŭsia na kancercie. Jon mierkavaŭ, što vybuchnie pieršaja vybuchoŭka i ludzi pabiahuć akurat u toj bok, dzie znachodziłasia druhaja. I tady adbudziecca druhi vybuch. Ale nie spracavała. Kanavałaŭ raskazvaŭ Kavalovu, što kancert nie spynili adrazu, kab nie było paniki.
(Kavaloŭ uvažliva słuchaje. Kanavałaŭ siadzić z apuščanaj hałavoj, pieryjadyčna pahladvajučy ŭ bok advakataŭ, sudździ.)
Sa śviedčańniaŭ Kavalova vynikaje, što Kanavałaŭ nie byŭ zhodny, što spravu zaviali pa vybuchu ŭ Minsku ŭ 2008 hodzie pa artykule «chulihanstva». Dźmitryj ličyŭ, što heta byŭ terarystyčny akt. I byŭ niezadavoleny hetym.
Kali pačali «palavańnie» na adbitki palcaŭ, Kanavałaŭ kazaŭ Kavalovu, što ŭ turmu nie źbirajecca. I lepš skončyć žyćcio samahubstvam, čym apyniecca za kratami.
13.14–13.30
Skončyŭsia prahlad videa z dopytu Uładzisłava Kavalova na papiarednim śledstvie 13 krasavika. Kavaloŭ čarhovy raz skazaŭ, što śviedčańni čatskova sapraŭdnyja na tym dopycie. Kaža, što na samoj spravie nie viedaŭ pra načyńnie sumki (pra vybuchoŭki ŭ joj), pra fakt, što Dźmitryj Kanavałaŭ ździejśniŭ vybuch.«Usiu noč pierad hetym dopytam mianie dapytvali apieratyŭniki». Tady, pa słovach Kavalova, byŭ akazany psichałahičny cisk. Pahražali surovym pakarańniem, što jamu nichto nie pavieryć, što jon ničoha nie viedaŭ, što pojdzie jak saŭdzielnik vybuchu.
«Papiaredzili: čym bolš skažu na dopycie, tym lepš budzie dla mianie. U lubym vypadku, mnie śviecić termin. Albo da 2 hadoŭ ci ad 8 hadoŭ». Maŭlaŭ, sam moža vybrać, pa jakim artykule siadzie.
Pra vybuchi na stele ŭ Minsku ŭ 2008 hodzie Kavaloŭ daviedaŭsia ad apieratŭnikaŭ. Pa ich słovach, Kanavałaŭ saznaŭsia va ŭsim. Pra butelki ŭ sumcy Kanavałava raskazali Kavalovu, pa jaho słovach, taksama apieratyŭniki HUBAZ. Jamu pakaźli malunki pieradatčyka dla vybuchoŭki, pra jaki jon paśla sam raskazvaŭ na dopycie na kamieru.
A paśla apieratyŭniki «praekzamienavali», ci zapomniŭ Kavaloŭ usiu infarmacyju, jakuju jamu treba ahučyć na dopycie.
Kavaloŭ vioŭ dziońnik. Staviŭ sabie zadaču za 5–10 hadoŭ zarabić miljon dalaraŭ. Dla hetaha chacieŭ adkryć svaju spravu.
11.00–13.14
Pačałosia sudovaje pasiadžeńnie. Adrazu praciahnuli prahlad videa z dopytu Kavalova na papiarednim śledstvie.
Dźmitryj Kanavałaŭ nie pakazvaje nijakaha intaresu da suda. Bolšaść času siadzić apuściŭšy vočy.
Uładzisłaŭ Kavaloŭ pavodzić siabie adrozna ad Kanavałava. Jon sočyć za tym, što adbyvajecca ŭ zale. Prahladaje videa z saboj. Padčas dopytu 16 vieraśnia Kavaloŭ byŭ badziory. Upeŭniena adkazvaŭ na pytańni sudździ, prakurora, paciarpiełych. Vidavočna, što jon budzie rabić usio, kab davieści svaju pazicyju.
Hołas na videa ŭ Kavalova spakojny, ale cichi. Nie adčuvajecca, kab jon dryžaŭ. Navat kali kaža, što daviedaŭsia pra vybuchoŭku, jakuju pryvioz Kanavałaŭ. U svaich raspoviedach nadta nie źbivajecca. Žestykuluje.
Kali śledčy pačynaje zadavać udakładniajučyja pytańni pa ŭžo skazanym Kavalovym, toj pačynaje źbivacca i havaryć nierazborliva.
Kavaloŭ kaža, što ad Kanavałava daviedaŭsia pra vybuch u 2008 hodzie ŭ Minsku i što jaho ździejśniŭ Dźmitryj, ale ŭ siabra nie pytaŭsia pra metu ździejśnienaha. Kavaloŭ nazyvaje niekatoryja padrabiaznaści pa vybuchoŭkach (pakiety ad soku), ale nie viedaje, adzin Kanavałaŭ ci z kimści zrabiŭ vybuchoŭki. Ale kaža, što napeŭna Kanavałaŭ moh sam toje zrabić. Čamu tak dumaje, patłumačyć nie moža.
Kanavałaŭ raskazvaŭ Kavalovu taksama, što vybuchi ŭ Viciebsku «ździejśniŭ sam». Ź jakoj metaj jon zrabiŭ tyja vybuchi? Kanavałaŭ nie havaryŭ. Kavaloŭ, jak siabra Dźmitryja, «nie viedaje», nie moža vykazać zdahadku, čamu Kanavałaŭ ździejśniŭ tyja vybuchi. «Jon nie byŭ relihijnym čałaviekam. Palitykaj nie cikaviŭsia», — skazaŭ Kavaloŭ pra Kanavałava. Čamu ŭ milicyju nie zajaviŭ? «Nie chacieŭ siabra vydavać (zdradžvać?)».
«Viedaju, što adna ci dźvie vybuchoŭki byli ŭ piŭnoj blašancy», — usie padrabiaŭnaści, jakija Kavaloŭ viedaje pra vybuchi ŭ Viciebsku.
Kali Kavaloŭ raskazvaje pra načyńnie sumki, ź jakoj Kanavałaŭ pryjechaŭ u Minsk 10 krasavika 2011 hoda, pra abmierkavańnie vybuchoŭki, šmat paŭz. Kavaloŭ havoryć koratka. Śledčy «vyciahvaje» ź jaho niekatoryja adkazy.
«Nitrat natryja ci kalija», — nazvaŭ Kavaloŭ kapsuły (žełacinki?), z dapamohaj jakich, pa jaho słovach, Kanavałaŭ źbiraŭsia skončyć žyćcio samahubstvam paśla vybuchu ŭ minskim mietro.
Kavaloŭ viedaje, što hetaja reč vykarystoŭvajecca ŭ charčovaj vytvorčaści.
Časam na videa Kavaloŭ pierachodzić prosta na šept. Jon skazaŭ, što davaj śviedčańni bieź cisku z boku pravaachoŭnych orhanaŭ. Uładzisłaŭ ažznačyŭ, što na pieršym dopycie skazaŭ niapraŭdu, a voś ciapier usio, što kazaŭ, — praŭda.
10.30–10.45
U zale zusim mała ludziej. Kali adkinuć milicyjantaŭ i žurnalistaŭ, to nie bolš za 30 čałaviek.
Siońnia sudovaje pasiadžeńnie pačniecca z praciahu prahladu videa, zroblenaha padčas dopytu Uładzisłava Kavalova na papiarednim śledstvie. Drukavanaja rasšyfroŭka taho dopytu była začytana jašče 16 vieraśnia.
Zaviali Uładzisłava Kavalova i Dźmitryja Kanavałava. U Kavalova z saboj
Prapanujem Vam pierakaz piatničnaha pasiedžańnia.
* * *
Z pakazańniaŭ Kavalova ŭ sudzie, paviedamlaje reparcior NN:
Na śledstvie Kavaloŭ skazaŭ, što viedaŭ, što vybuchi ŭ Minsku i Viciebsku ździejśniŭ Kanavałaŭ, ale ciapier admaŭlajecca ad hetych śviedčańniaŭ, bo davaŭ ich pad psichałahičnym ciskam. Kavaloŭ zajaviŭ, što z Kanavałavym byŭ znajomy ź pieršaha kłasa škoły — vučylisia razam.
Kavaloŭ zakončyŭ 11 kłasaŭ. Z 2005 pa 2007 hh. pracavaŭ elektramancioram na čyhuncy, zakončyŭ kursy ad biržy pracy, na jakuju staŭ, bo trapiŭ pad skaračeńnie. Zatym pracavaŭ u Viciebskenierhabudzie elektramancioram 2 hady (da 2009 hoda). Pracavaŭ paśla ŭ Viciebsku ŭ budaŭničym upraŭleńni da listapada 2010 hoda. Zvolniŭsia, bo chacieŭ pierajechać u Minsk, dzie płanavaŭ uładkavacca na pracu, a paśla zaniacca svajoj spravaj. 25 kastryčnika 2010 h. pierajechaŭ u Minsk. Pierad adjezdam sustrakaŭsia z Kanavałavym, kazaŭ pra pierajezd.
Maci z baćkam nie žyvuć razam. Jość ajčym. U vojsku Kavaloŭ nie słužyŭ pa stanie zdaroŭja.
Kanavałaŭ z armii pisaŭ i zvaniŭ niekalki razoŭ Kavalovu, praz «Vkontaktie» jany mieli znosiny. Kanavałaŭ praz mabilny telefon vychodziŭ u internet u vojsku.
Paśla prychodu z vojska Kanavałava była adna z razmovaŭ, padčas jakoj skazaŭ, što z vajenčastki pryvioz dva vohnietušylniki. Kavaloŭ bačyŭ adzin paśla ŭ padvale ŭ Kanavałava. Ź jakoj metaj pryvioz — nie tłumačyŭ.
9 krasavika 2011 Kanavałaŭ z Kavalovym razmaŭlali pa telefonie, było heta kala 10–11 hadzin ranicy.
Heta byŭ pieršy kantakt z Kanavałavym u 2011 hodzie
(za vyklučeńniem 1 studzienia 2011). Dźmitryj skazaŭ, što na nastupnym dzień pryjazdžaje ŭ Minsk i paprasiŭ sustreć. Razmaŭlali chviliny try. Praz chvilin 10–20 Kanavałaŭ znoŭ pierazvaniŭ.
Sustrelisia 10 krasavika na čyhunačnym vakzale.
Kanavałaŭ byŭ ź vialikaj sumkaj. Nieśli jaje razam.Metaj pryjezdu Kanavałaŭ nazvaŭ pryjezd «pa spravach». Kavaloŭ, zaznačyŭ, što bolš i nie raspytvaŭsia. Pajechali na mietro ŭ ryełtarskuju firmu pa vulicy Karala. Kanavałaŭ šukaŭ kvateru niedaloka ad centra i pobač ź mietro. Pajšli na kvateru. Pry zasialeńni Dźmitryj pieranios sumku za šyrmu. Kvatera była adnapakajovaja. Pasiadzieli, Kavaloŭ kuryŭ. Było prykładna 13–14 hadzin. Vyjšli ŭ horad, kupili harełki, sałataŭ, viarnulisia ŭ kvateru. Vypili. Kanavałaŭ prapanavaŭ pazvanić znajomym dziaŭčatam: napr., dziaŭčynie, ź jakoj paznajomiŭsia praz sacyjalnyja sietki i ź jakoj nie bačyŭsia ni razu. Kavaloŭ skazaŭ, kab toj zvaniŭ. Razmaŭlali niekalki hadzin za harełkaj. Kolki dakładna, nie pamiataje. Kupili paru plašak.
Dźmitryj vychodziŭ, kali pili harełku, ale da pryjezdu dziaŭčat. Kavaloŭ adhavorvaŭ jechać, maŭlaŭ, što Kanavałaŭ budzie adzin rabić. Ale Kanavałaŭ skazaŭ, što chutka vierniecca. Kavaloŭ zastaŭsia.
Kanavałaŭ viarnuŭsia praz
Kanavałaŭ pazvaniŭ znajomaj Jani (da adjezdu ci paśla, nie pomnić). Damovilisia sustrecca na viečar. Skazaŭ, što jana budzie ź siabroŭkaj. Jak i pieršaja, dla kampanii. Pajšli sustreli dziaŭčat kala vychadu ź mietro. Schadzili za vinom. Mahčyma, jašče harełku kupiŭ Kanavałaŭ, Kavaloŭ nie pomnić. Doma pačali razmaŭlać. Temy razmoŭ nie pomnić. Dziaŭčaty pili vino, chłapcy — harełku. Praź niejki čas adna dziaŭčyna sabrałasia i syšła. Zastałasia Jania Pačyckaja (?). Sa śledstva viedaje, što Dźmitryj ź Janiaj chadzili pravieści dziaŭčynu. Ale sam hetaha nie pomnić. Kaža, što byŭ pjany.
Spać Kavaloŭ loh na kanapu. Dziaŭčyna z Kanavałavym lahli razam na łožak za šyrmaj.Ranicaj Kavaloŭ pračnuŭsia. Kanavałaŭ ź dziaŭčynaj pračynalisia ŭ toj momant. Jana pabudziła Kavalova, kab toj išoŭ na pracu. U Kanavałava byŭ adklučany mabilnik — nie pracavaŭ budzilnik. Pajechaŭ na pracu.
Da abiedu byŭ na pracy. Paśla syšoŭ. Z pracy syšoŭ samavolna. Chacieŭ chutčej viarnucca da siabra. U 12.30–13.00 viarnuŭsia na kvateru da Kanavałava (toj zaprašaŭ prychodzić paśla pracy).
Nabraŭ damafon — nichto nie adamknuŭ.Paśla jašče raz. Biezvynikova. Vyrašyŭ pačakać. Vyjšła Jania z padjezda. Skazała, što Dzima chutka pryjdzie. Kanavałaŭ viarnuŭsia z sadavinoj, pivam, praduktami. Razmaŭlali, hladzieli televizar, muzyku słuchali. Razmaŭlali ni pra što. Vypivali krychu. Kanavałaŭ mienš, čym Kavaloŭ.
Paśla Kanavałaŭ zusim pierastaŭ pić. Skazaŭ, što treba budzie adjechać pa spravach.(Sa śviedčańniaŭ Jani Pačyckaj, Kanavałaŭ prasiŭ dziaŭčynu nahadać, što jamu treba ŭ kankretny čas źjechać; ci nahadvała jana, Kavaloŭ nie pamiataje.)
Bližej da viečara Kanavałaŭ pakidaŭ kvateru. Kavaloŭ bačyŭ, jak toj sychodziŭ, ale nie viedaje, dzie ŭ toj momant była sumka.
Kavaloŭ skazaŭ, što Kanavałaŭ źbiraŭsia jechać praź mietro. I Kavaloŭ prapanoŭvaŭ nie jechać, maŭlaŭ, jaho, vypiŭšaha, u mietro nie puściać. Razmova takaja była chvlin za 15 da sychodu Kanavałava.
Viarnuŭsia Kanavałaŭ u čornaj bałonievaj kurtcy na małancy. Kavaloŭ kaža, što kurtka staraja, bačyŭ jaje jašče ŭ Viciebsku. Šapka zimovaja była na hałavie. Viazanaja. Čornaja z nadpisam
Na Kanavałavu, pa słovach Kavalova, byli ciomnyja džynsy. Na ŭzroŭni kaleniaŭ byli kišeni. Abutak — spartovyja bacinki ci krasoŭki.
Ci ŭ hetaj vopratcy Kanavałaŭ pakidaŭ kvateru, Kavaloŭ nie pamiataje.
Pry Kavalovu Kanavałaŭ u sumku nie łaziŭ. Sumka spartovaja była, santymietraŭ 60–70 ŭ daŭžyniu. 30–40 sm vyšyni. Nadpis na sumcy — West, marka cyharet. Sumka čornaja albo ciomna siniaja.
Paśla sychodu Kanavałava Kavaloŭ ź dziaŭčynaj byli razam. Razmaŭlali.
Dzieści praz hadzinu viarnuŭsia Kanavałaŭ. Viasioły nastroj byŭ. Kaža, što ŭvohule jon viasioły čałaviek.Viasioły nastroj prajaŭlaŭsia ŭ žartach, uśmiešcy.
«Jak prajšli spravy?» — «Narmalna».Bolš Kavaloŭ i nie pytaŭsia.
Znoŭ pačali vypivać. Hladzieli televizar. Bačyli repartaž ź mietro. «Dzima ŭ heta čas užo spaŭ». Adreahavali ź Janiaj ździŭleńniem. Kanavałava nie budzili ŭ hety momant. Adjezd Kanavałava nie źviazvali z hetymi padziejami.
Kanavałaŭ spaŭ za šyrmaj. Kavaloŭ loh razam ź Janiaj.
12 krasavika Kavaloŭ nie pajšoŭ na pracu. Hladzieli ranišnija naviny pra vybuch. Skazaŭ načalstvu, što nie moža pryjechać, bo mietro nie pracuje. Praciahvali vypivać.
Razmaŭlali pra repartaž ź mietro. Kanavałaŭ hladzieŭ ranišni repartaž taksama. Kavaloŭ nie pomnić emocyi Kanavałava na repartaž. Paśla prahledžanaha nie abmiarkoŭvali padziej u mietro. Jania zasmuciłasia i raspłakałasia. Kanavałaŭ supakojvaŭ dziaŭčynu słovami. Paśla vyklučyli televizar. Słuchali muzyku i vypivali da viečara. Nie pomnić, kab niechta vychodziŭ z kvatery.
Lehli spać, aKavaloŭ kaža, što lažaŭ na kanapie. Ubačyŭ čałavieka ŭ mascy i ŭ formie. Dzima siadzieŭ ŭ kajdankach u vitalni. Adzieli kajdanki i Kavalovu. Pytalisia, čamu dźviery nie admykali. Vyvodzili taksama, jak i ŭ sud pryvodziać (sahnutych, z padniatymi zzadu rukami).21-22-j hadzinie. Razbudzili milicyjanty.
Sumku Kavaloŭ nie bačyŭ z taho momantu, jak 10 krasavika pryjechali z Kanavałavym na zdymnuju kvateru.
«Nas adviali ź Dźmitryjem na dopyt. Ja byŭ na 2 paviersie ŭ kabiniecie budynka HUBAZ. Pačas dopytu mnie skazali, ź jakoj metaj zatrymali. Skazali, što moj siabra jość na kadrach. Ale mnie ŭ toj dzień pakazali, jak Kanavałaŭ prachodzić z sumkaj u mietro. Paznaŭ jaho. Dalej praciahvałasia daznańnie.
Z adnaho z susiednich kabinietaŭ ja pačuŭ kryk Kanavałava.Apieratyŭny rabotnik skazaŭ, što heta nie Kanavałaŭ kryčyć. Ale ja jaho paznaŭ». Kaža, što heta mahło być zroblena naŭmysna, kab zapužać Kavalova tymi krykami. Było heta prykładna praz 20 chvilin paśla taho, jak ich pryvieźli ŭ HUBAZ. Zatym jaho pieraviali na inšy pavierch i praciahnuli dopyt. Skazali, što «Lepš tabie, parień, priznať».
Skazali, što tolki 2 hady za niedaniasieńnie atrymaje. A za teraryzm u lepšym vypadku 25 hadoŭ, a ŭ horšym «łob zialonkaj namažuć».Zapužali, što Kavalovu nichto nie pavieryć, što toj ničoha nie viedaŭ. Spužaŭsia rasstrełu. «Supracoŭnikaŭ tych ja dobra pomniu i mahu apaznać».
«Ja davaŭ śviedčańni, bo byŭ napałochany. Ja ŭpeŭnieny, što Dźmitryj nie ŭzryvaŭ bombu ŭ 2011 hodzie. Mała što mnie pakazali. Prosta hulaje… Prajšoŭ praz turnikiet».
Kaža, što byŭ adzin udar u hrudzi. Maŭlaŭ, u mietro štodnia jeździć žonka opiera, i jon nie strymaŭsia.
Mianie dapytvali da ŭdziełu advakata», — skazaŭ Kavaloŭ.
Advakat byŭ pradstaŭleny Kavalovu. Jaho paśviedčańnia abvinavačany nie bačyŭ.
Pieršy raz dapytali paśla zatrymańnia. U pratakole jon nie zafiksavany. Pad pratakoł dapytvali, mahčyma, praz hadzinu.
Kavaloŭ prachodziŭ 21 dzień
* * *
Śviedčańni Kavalova z materyjałaŭ spravy adnosna epizoda 11 krasavika 2011 hoda — začytana sudom.
Inšyja śviedčańni davaŭ pra toje, što viedaŭ pra namier Kanavałava ŭzarvać mietro. Viedaŭ, što ŭ sumcy Kanavałaŭ pryvioz vybuchoŭku. Kali ŭskinuŭ sumku na plačo, Kanavałaŭ skazaŭ tak bolš nie rabić. Patłumačyŭ, što tam vybuchoŭka. «Ja navat i nie ŭspryniaŭ usurjoz». Na vulicy Kavaloŭ zazrinuŭ u sumku. Kavaloŭ spytaŭsia, navošta vybuchoŭka. Kanavałaŭ skazaŭ, što jon maje dačynieńnie da vybuchu kala steły ŭ Minsku. Tam byli dźvie vybuchoŭki. Ale adnu znajšli. I na joj zastalisia adbitki palcaŭ Kanavałava. Ale ŭ jaho adbitki palcaŭ nie ŭziali. A ciapier spachapilisia, što ŭ bazie jaho adbitkaŭ palcaŭ niama. I spačatku pozvaj vyklikali, a paśla dadomu pryjšli i adkatali. I ciapier, maŭlaŭ, niama čaho hublać.
Pra vybuch u steły ŭ Minsku Kanavałaŭ raskazaŭ pra vybuch Kavalovu adrazu paśla padziei ŭ 2008 hodzie. U Viciebsku. Sa śviedčańniaŭ Kavalova, Kanavałaŭ pajechaŭ u Minsk, źniaŭ kvateru. Uviečary ŭziaŭ vybuchoŭki ŭ pakietach ad soku i pajechaŭ na hulańnie. Paśla adna ŭzarvałasia, a druhaja — nie. Vybuchoŭku vyrabiŭ sam. Udzielničaŭ u vybuchu Kanavałaŭ adzin. Metu ŭčynku nie raskazvaŭ.
Pa materyjałach spravy, Kavaloŭ viedaŭ, što Kanavałaŭ ździejśniŭ vybuchi ŭ Viciebsku.
Pra 11.04 skazaŭ, što dobra vypiŭ i adklučyŭsia. A Kanavałaŭ uziaŭ sumku i pajechaŭ na mietro.
U adnosinach da Jani skazaŭ, što pieraharadziŭ darohu joj da šyrmy, kab jana nie ŭbačyła vybuchovaje prystasavańnie. Skazaŭ tak, maŭlaŭ, kab dziaŭčynu nie abvinavacili ni ŭ čym i nie pryciahvali da dopytaŭ.
* * *
Dźmitryju Kanavałavu pradjaŭlena abvinavačańnie va ŭčynieńni teraryzmu, jaki ŭ tym liku paciahnuŭ čałaviečyja achviary, pryčynieńnie cialesnych paškodžańniaŭ roznaj stupieni ciažkaści, inšyja ciažkija nastupstvy, u niezakonnych dziejańniach u dačynieńni da vybuchovych rečyvaŭ i vybuchovych pryład, złosnaha i asabliva złosnaha chulihanstva, naŭmysnaha źniščeńnia i paškodžańnia majomaści ahulnaniebiaśpiečnym sposabam.
Uładzisłavu Kavalovu pradjaŭlena abvinavačańnie ŭ saŭdziele ŭ formie dapamahańnia i ŭčynieńni teraryzmu, učynieńni złosnaha i asabliva złosnaha chulihanstva, naŭmysnym źniščeńni majomaści ahulnaniebiaśpiečnym sposabam, u niezakonnych dziejańniach u dačynieńni da vybuchovych rečyvaŭ, ukryvalnictvie asoby, jakaja ŭčyniła asabliva ciažkaje złačynstva, i niedaniasieńni ab učynienych i padrychtoŭcy asabliva ciažkich złačynstvaŭ.
Vybuch na stancyi «Kastryčnickaja» minskaha mietro adbyŭsia 11 krasavika. 15 čałaviek zahinuli, bolš za 160 atrymali traŭmy, u tym liku ciažkija.
Jak paviedamiŭ žurnalistam 1 žniŭnia namieśnik hienprakurora — načalnik śledčaha ŭpraŭleńnia Hienprakuratury Andrej Švied, Kavalovu inkryminujecca bolš za 15 epizodaŭ złačynnaj dziejnaści, Kanavałavu — 30. U pracesie rasśledavańnia kryminalnaj spravy,
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii1
Kamientary