Minsk iznoŭ pratestuje ŭ sierady
Niekalki sotniaŭ ludziej sabralisia na pratest u centry stalicy — i niašmat u rehijonach.
22:30
Paviedamlajecca, što niekalki dziasiatkaŭ ci da sotni ludziej pratestavali ŭ šerahu rehijanalnych haradoŭ. U Słucku j Mazyry adbylisia zatrymańni.
20:01
Apładysmienty skončylisia, ludzi razychodziacca. Płošča puścieje.
19.53
Siarod tych, chto apładziravaŭ la «Makdonaldsa», jość pamiłavanyja pa spravie «masavych biesparadkaŭ» — u pryvatnaści, Siarhiej Kazakoŭ. Siłaviki spakojna nazirajuć za apładysmientami.
19:52
Znoŭ kala HUMa i «Makdonaldsa» hučać apładysmienty, adna z žančyn sprabuje zavieści ludziej krykami «Žyvie Biełaruś!». Ale adhukajucca
19.40
Siarod udzielnikaŭ akcyi byŭ zaŭvažany padpałkoŭnik milicyi ŭ adstaŭcy Mikałaj Kazłoŭ, jaki vykryŭ falsifikacyi padčas parłamienckich vybaraŭ.
19:37
Upieršyniu prahučali apładymienty śledam za sihnałami aŭtamabilaŭ. Apładziravali prykładna chviliny dźvie. Milicyja pakazalna ihnaruje.
Kala Makdonaldsa sabrałasia kala 100 čałaviek, hrupa staić taksama kala HUMa. Ahułam kala 200–250 čałaviek.
19:33
Ad
19:16
Kala HUMa zdymačnaja hrupa biare intervju ŭ ravarysta ŭ šlemie, nakaleńnikach dy inš. Vakoł sabrałasia šmat narodu.
18:52
Kala Makdonaldsa staić kupka moładzi. Taksama kupka kala HUMa, paadzinkavyja sihnały mašyn, ale ludziej pakul vielmi mała.
18:41
Pa Kastryčnickaj płoščy chodzić namieśnik načalnika minskaj milicyi Ihar Jaŭsiejeŭ, jahony namieśnik i inšyja padnačalenyja.
Za pieršaj muzyčnaj škołaj na vulicy Załataja Horka kursanty akademii MUS u spartyŭnaj formie pierakusvajuć bułačkami.
18:41
Za univiersamam «Centralny» dva mazaŭskija aŭtobusy i adzin mikraaŭtobus — usie biez numaroŭ — z asobami ŭ cyvilnym i ŭ čornaj śpiecnazaŭskaj formie.
18:37
Za kniharniaj «Centralnaja» ŭ dvary staić aŭtobus MAN ź milicyjantami, dva pustyja zakratavanyja milicejskija haziki, a taksama «žyhuli», u jakich siadzić padpałkoŭnik i niejki vysoki čyn u cyvilnym.
Kali iści praśpiektam, to kožnyja niekalki dziasiatkaŭ mietraŭ traplajucca fizična dužyja chłopcy, jakija chodziać parami.
18:25
Na Płoščy Niezaležnaści kala haścinicy «Minsk» čatyry hrupy cicharoŭ (ludziej u cyvilnym) ad dvuch da šaści čałaviek kožnaja.
18:21
Na Kastryčnickaj płoščy taksama la kožnaha słupa pa 2–3 čałavieki ŭ cyvilnym z navušnikam. Patruli stajać la Pałaca Respubliki i Pałaca prafsajuzaŭ. La Doma aficeraŭ — vialiki milicejski aŭtobus. Ale pakul zatrymańniaŭ niama.
18:14
Ad HUMa da Płoščy Niezaležnaści na kožnym skryžavańni pa 2–3 čałavieki z navušnikami, u dvarach dziažurać milicejskija aŭtobusiki PAZ. Na praśpiekcie śviet narodu, ale heta tłumačycca hadzinaj pik.
17:30
Na ŭčastku praśpiekta Niezaležnaści ad paštamta da HUMa šmat asobaŭ u cyvilnym. Za Nacbankam — aŭtobus z supracoŭnikami milicyi ŭ formie. Za Pałacam Respubliki — dva pustyja aŭtobusy i čatyry mikraaŭtobusy. U ich niekalki asobaŭ u cyvilnym i niekalki śpiecnazaŭcaŭ.
U rajonie Pałaca Respubliki — patruli DAI. Źleva ad pałaca zabaroniena parkoŭka, paviedamlaje BiełaPAN.
Kiraŭnik pradstaŭnictva ES u Biełarusi spadarynia Majra Mora siońnia zajaviła, što pasły ES buduć sačyć za akcyjaj.
* * *
U adroźnieńnie ad letnich vystupaŭ, jakija byli bolš stychijnymi, 20 vieraśnia arhanizatary akcyi vystavili 9 patrabavańniaŭ da ŭładaŭ.
Jany pačynajucca z ekanamičnych vymoh, a skančajucca palityčnymi i kulturnymi. Ahulnym
łozunham akcyi 21 vieraśnia pavinna stać: «Chopić ciarpieć! — rost cenaŭ, devalvacyju, biaźmiežža milicyi, dziaržaŭnuju prapahandu i abiacańni ŭłady!».
«Vulica» patrabuje ad łukašenkaŭcaŭ harantyi niedatykalnaści bankaŭskich układaŭ i indeksacyi zarobkaŭ i piensij. Jany vykazvajucca za rynkavaje farmavańnie kursa rubla, «a nie stukańniem kułakom pa stale».
Kali brać palityčny bok, pratestoŭcy najpierš patrabujuć šyrokaj i adkrytaj hramadskaj dyskusii pra ekanamičnuju i palityčnuju situacyju ŭ krainie — debataŭ u dziaržaŭnych ŚMI z udziełam pradstaŭnikoŭ ułady, apazicyi, ekśpiertaŭ i ekanamistaŭ. Akramia taho, jany nazyvajuć nieadkładnaje vyzvaleńnie i reabilitacyju ŭsich palitviaźniaŭ, spynieńnie represij i realnyja dziejańni pa vyratavańni biełaruskaj movy.
Z sacyjalnych patrabavańniaŭ vyłučany ŭviadzieńnie lhotnaha albo biaspłatnaha prajezdu na hramadskim transparcie dla navučencaŭ i studentaŭ usioj krainy, a taksama svabodny prodaž valuty biez dakumientaŭ i rehistracyi ździełki.
U Minsku ŭdzielniki akcyj chočuć sabracca na praśpiekcie Niezaležnaści na adrezku ad hatela «Minsk» da Kastryčnickaj płoščy na pravym baku praśpiektu (bok HUMa, «Makdonaldsa»).U rehijanalnych haradach pratestoŭcy rychtujucca sabracca na centralnych vulicach haradoŭ. U Hrodnie na Savieckaj, u Breście — na praśpiekcie Mašerava, u Mahilovie — na Lenina, u Viciebsku — na vulicy Lenina, u Homieli na Savieckaj.
Padobnyja akcyi pravodzilisia ŭ krainie z 8 červienia pa 27 lipienia štotydniova pa sieradach u znak pratestu suprać palityki ŭładaŭ. Pieršyja akcyi byli šmatludnyja, zatym aktyŭnaść udzielnikaŭ pajšła na spad. Hetamu šmat u čym sadziejničali žorstkija dziejańni ŭładaŭ: razhony i zatrymańni nie tolki ŭdzielnikaŭ akcyj, ale i vypadkovych prachožych, štrafy i doŭhija administracyjnyja aryšty najbolš aktyŭnych hramadzian.
Pierad akcyjaj u internecie źjaviŭsiaproma-rolik na pieśniu «Lapisaŭ» «Nie być skotam».
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary