Pra heta zajaviŭ 22 vieraśnia na bryfinhu ŭ Minsku namieśnik ministra ekanomiki Alaksandr Jarašenka.
Jon adznačyŭ, što sioleta atrymlivajecca dasiahać adpaviednaści pamiž vieličynioj zarabotnych płat i pradukcyjnaściu pracy. «Kali ŭ pačatku hoda razryŭ pamiž pradukcyjnaściu pracy i ŭzroŭniem zarabotnych płat składaŭ kala 20%, to ciapier jon skaraciŭsia da 2,9%. Takim čynam, my pačynajem nabližacca da situacyi, kali realna zarablajem tyja hrošy, jakija atrymlivajem», — padkreśliŭ Alaksandr Jarašenka.
Pry hetym jon vykazaŭ nadzieju na toje, što ŭ dołaravym ekvivalencie zarabotnaja płata biełarusaŭ budzie raści. «Dołaravy ekvivalent budzie zaležać ad taho, jaki raŭnavažny kurs dołara ŭstanovicca. Trajektoryja ruchu na valutnym rynku havoryć ab tym, što nacyjanalnaja valuta budzie ŭmacoŭvacca i, adpaviedna, my raźličvajem, što dachody nasielnictva ŭ dołaravym ekvivalencie buduć raści», — adznačyŭ namieśnik ministra.
Pavodle danych Biełstata, siaredniamiesiačnaja zarabotnaja płata ŭ Biełarusi ŭ lipieni skłała 1 młn. 854,5 tys. rubloŭ. Z ulikam kursu dołara na dadatkovaj biržavoj siesii, jaki sfarmiravaŭsia 21 vieraśnia (8.010 rubloŭ za dołar), siaredniaja zarpłata nasielnictva skłała ŭ lipieni prykładna 230 dołaraŭ. Dla paraŭnańnia: u studzieni hetaha hoda siaredniaja zarpłata ŭ krainie składała 1 młn. 409,6 tys. rubloŭ, ci 470 dołaraŭ.
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ6
Kamientary