Śpis biełaruskich čynoŭnikaŭ, jakim zabaronieny ŭjezd u krainy ES i čyje aktyvy na terytoryi Jeŭrasajuza pavinny być zamarožanyja, papoŭnili jašče 16 proźviščaŭ. Takoje rašeńnie pryniata 10 kastryčnika ŭ Luksiemburhu Savietam ES, paviedamiła Maja Kačyjančyč,
«Situacyja ŭ Biełarusi abmiarkoŭvałasia dosyć doŭha, i ministry zamiežnych spraŭ znoŭ zaklikali biełaruskija ŭłady vyzvalić i reabilitavać usich palityčnych źniavolenych», — padkreśliła
Abmiežavalnyja miery datyčacca tych, chto, na dumku ministraŭ zamiežnych spraŭ krain Jeŭrasajuza, adkazny za «represii, jakija praciahvajucca ŭ dačynieńni da hramadzianskaj supolnaści, palityčnaj apazicyi i niezaležnych ŚMI ŭ Biełarusi», adznačajecca ŭ kamiunikie Savieta ES.
Čakajecca, što rašeńnie savieta i imiony 16 biełaruskich čynoŭnikaŭ, jakija papoŭnili śpis nieŭjaznych u ES, buduć apublikavany 11 kastryčnika ŭ aficyjnym žurnale Jeŭrasajuza.
Nahadajem, sankcyi ŭ dačynieńni da biełaruskich uład Saviet ES uvioŭ u studzieni 2011 hoda ŭ adkaz na žorstki razhon demanstracyi paśla prezidenckich vybaraŭ 19 śniežnia 2010 hoda ŭ Minsku. Ciapier u śpisie čynoŭnikaŭ, jakim zabaronieny ŭjezd na terytoryju ES, 192 proźviščy.
21 vieraśnia MZS Litvy inicyjavała ŭklučeńnie 18 biełaruskich čynoŭnikaŭ u śpis asob, jakim zabaronieny ŭjezd u Litvu, i zaklikała inšyja krainy Jeŭrasajuza ŭklučyć ich u svaje nacyjanalnyja śpisy nieŭjaznych.
Kamientary