Fota achviary siamiejnaha hvałtu vyklikała skandał u Turcyi
Na pieršaj pałasie tureckaj haziety Haber Turk byŭ źmieščany fotazdymak žančyny, z aholenaha boku jakoj tyrčyć nož. Muž žančyny, jaki, jak miarkujecca, udaryŭ jaje, inicyjavaŭ sprečku. Pratestoŭcy ŭ Ankary pačali ŭ krasaviku zaklikać dziaržavu ŭziać pad abaronu žančyn i dziaciej suprać chatniaha hvałtu i tak zvanych zabojstvaŭ u imia honaru.
Na fotazdymku — achviara, Sefika Etyk, jakaja lažała na nasiłkach, kali ŭ čaćvier jaje pavieźli ŭ špital. Jana jašče žyła, kali rabiŭsia zdymak, ale pamierła pa darozie.
Publikacyja fotazdymka vyklikała hnieŭ i pratesty, u tym liku ŭ siamji Etykaŭ. Abaronca pravoŭ žančyn Deniz Bejram nazvała heta «miedyjahvałtam», što parušaje pravy achviary.
Facich Ałtajli, redaktar haziety Haber Turk, što źmiaściła fotazdymak, abaraniaje svaju pazicyju nastupnym čynam:
«Ja chacieŭ, kab ludzi ŭbačyli, što chatni hvałt napraŭdu isnuje. Ja chacieŭ šakavać ludziej».Pratestoŭcaŭ, što adstojvali pravy achviary suprać «miedyjahvałtu», Ałtajli nazvaŭ idyjotami, što nie viedajuć, jakija mienavita zachady zmohuć upeŭnić urad zrabić niejkija kroki.
Turecki ministr siamji i sacyjalnaj palityki taksama raskrytykavaŭ zdymak: «Kali niechta dumaje, što vuścišnyja ilustracyi prymusiać kahości zadumacca, jamu nie varta zabyvać taksama pra psichałahičnaje zdaroŭje hramadstva i dziaciej».
Pavodle daśledavańniaŭ, praviedzienych u 2008 hodzie, 42% tureckich žančyn padviarhalisia fizičnamu ci seksualnamu hvałtu.Niahledziačy na toje, što ŭrad robić zachady, kab pamienšyć kolkaść hetych złačynstvaŭ, ich, na dumku pravaabaroncaŭ, niedastatkova.
Pavodle daśledavańniaŭ Human Rights Association z 2005 hoda ŭ vyniku chatniaha hvałtu byli zabityja 4190 žančynaŭ. Ciapierašni zakon suprać chatniaha hvałtu nazyvajecca «Abarona siamji». Deniz Bejram tak akreślivaje sučasnuju prablemu: «Na žančyn hladziać nie jak na asobaŭ, a jak na viernych žonak, cnatlivych siostraŭ, dobrych maci i h.d.»
Kamientary