Sorak piać chvilinaŭ doŭžyłasia siońnia ŭ Homieli «maŭklivaja» akcyja pratestu.Krychu bolš za dziasiatak maładych ludziej sabralisia la fantanu, što pobač z cyrkam, kab abmianiacca apošnimi navinami.
«Hetym razam my nie stajali, a siadzieli na łaŭkach. Pobač stajali śpiecnazaŭcy, ažyŭlena razmaŭlali j časta śmiajalisia. Apieratar u atačeńni siłavikoŭ u cyvilnym zdymaŭ nas na videa», — paviedamiŭ adzin z udzielnikaŭ akcyi.
Prykładna praz sorak piać chvilinaŭ udzielniki «maŭklivaj» akcyi padnialisia i rušyli da prypynka «Fabryka 8 Sakavika». Ich supravadžali dva śpiecnazaŭcy. Na prypynku ŭdzielniki kupkami razyšlisia ŭ roznyja baki. Infarmacyi pra zatrymańni nie pastupała.
Homiel, badaj, zastaŭsia adzinym horadam u krainie, dzie praciahvajucca «maŭklivyja» akcyi.Jany niešmatlikija, ale na ich reahujuć milicyja j śpiecsłužby.
Napiaredadni siońniašniaj akcyi čaćviora nieviadomych bandytaŭ napali na zaŭsiodnaha ŭdzielnika akcyi Vitala Pratasieviča, kali jon viartaŭsia z pracy dadomu. Źbity Vital siońnia znachodziŭsia na balničnym i na akcyju nie pryjšoŭ.
Ciapier čytajuć
Čamu ŭłady maŭčać pra pryčyny razbureńnia doma ŭ Homieli i jakija jość viersii1
Kamientary