«Daŭmont» vykupiŭ pałac u Hrozavie

U vioscy Hrozava Kapylskaha rajona kaliści pačynaŭsia Słucki zbrojny čyn, farmavaŭsia 2-hi Hrozaŭski połk.

Ale tut bolš pamiatajuć historyju Druhoj suśvietnaj, i mała chto ŭjaŭlaje, što ich adnaviaskoŭcy ŭ 1920 h. aktyŭna akazvali supraciŭ balšavikam.

Kali spuścicca bližej da raki, možna ŭbačyć vialiki dvuchpaviarchovy bieły budynak

z pustymi akanicami i ŭžo dziravym dacham.

Heta pałac Mieržajeŭskich, pabudavany ŭ druhoj pałovie XVIII st. u styli kłasicyzmu. Jon maje simietryčnuju płaniroŭku, i jahonaja kampazicyja vyłučajecca čatyrochkałonnym porcikam na hałoŭnym fasadzie. La budynka zachavalisia reštki parku.

Historyja hetaha pałaca — typovaja dla biełaruskich miastečak.

Zvyčajna paśla revalucyi ŭ raskošnych šlachietnych majontkach raźmiaščali špitali, internaty albo administracyju kałhasaŭ. U Hrozavie ŭ panskim pałacy ŭ 1970-ch hh. adkryli škołu. Paśla raspadu SSSR budynak pustavaŭ i na vačach prychodziŭ u zaniadbańnie.

Paŭhoda tamu jaho vykupiła salihorskaje pradpryjemstva «Daŭmont».

da pałaca pryhladalisia daŭno – tut ža, u Kapylskim rajonie arhanizacyja budavała kramy i kaścioł, ale ŭłady spačatku nazvali zanadta vialikuju canu za razburany budynak.

«U nas tak časta byvaje –

pakul dom jašče ŭ narmalnym stanie, załamvajuć vysoki košt. A kali jon užo kančatkova razburany – chutčej šukajuć, chto b jaho ŭziaŭ dy adramantavaŭ»,

U pačatku lutaha rajvykankam pradaŭ jaho za adnu bazavuju vieličyniu – usiaho 35 tys. rubloŭ.

Zaraz u Hrozavie idzie aktyŭnaje budaŭnictva. Užo zroblena prajektnaja dakumientacyja, budaŭniki ŭmacoŭvajuć padmurak, cokal. Pa słovach dyrektara, pałac byŭ u vielmi zapuščanym stanie – ciapier treba mianiać pierakryćcio pamiž pavierchami, ścieny, dach... Da zimy spadziajucca zamianić plity dy ŭstavić šyby. Niahledziačy na składanaści ź finansavańniem budaŭnictva ŭ Biełarusi naohuł, pracu ŭ Hrozavie nie spyniajuć. Hatel i restaran chočuć adkryć užo ŭ nastupnym hodzie.

«My sprajektavali 24 numary. Bolšaść ź ich pa kamforcie budzie na ŭzroŭni troch zorak,

ale čatyry numary buduć zvyškamfortnyja – kłasa luks. U kožnym numary budzie barnaja stojka, kab možna było pasiadzieć ź siabrami, vypić kubak harbaty. Restaracyja źmieścić kala 60 naviedvalnikaŭ. U ciapierašnim padvale płanujem zrabić vinny sklep», – kaža surazmoŭca. Kaštarys prajekta składaje kala 3 młrd rubloŭ.

Dyrektar «Daŭmonta» – architektar pavodle adukacyi. Jon časta byvaje za miažoj i paraŭnoŭvaje histaryčnyja pomniki Zachodniaj Jeŭropy z našymi. «Paśla 1917 hoda my stolki zhubili, što prosta ŭjavić składana. I zaraz heta adnaŭlajecca vielmi marudna. Dziaržava nie ŭ stanie «padniać» usie pomniki. Restaŭracyja ŭ Miry i Niaśvižy tolki paćviardžaje heta – stolki hod pracujuć, a nijak da ładu nie daviaduć. Hetym pavinny zajmacca pryvatniki.

Addajcie vy biznesoŭcam hetyja siadziby, spraścicie padatki i harantujcie, što dziaržava pakryje 30% vydatkaŭ rekanstrukcyi. I tady ŭbačycie, jak chutka pačnuć adnaŭlać histaryčnuju spadčynu»,

• 0
• 0
• 0
• 0
• 0
• 0
• 0
• 0