«Kampanija budzie biesterminovaj», — zajaviŭ lidar partyi Alaksiej Janukievič.
Partyja BNF pačynaje biesterminovuju kampaniju suprać uvachodžańnia Biełarusi ŭ Jeŭrazijski ekanamičny sajuz. Ab hetym było zajaŭlena 19 listapada ŭ Minsku na sojmie partyi.
«Taksama partyja vystupaje suprać udziełu Biełarusi ŭ takich abjadnańniach, jak Sajuznaja dziaržava Biełarusi i Rasii, ADKB, JeŭrAzES, Mytny sajuz, bo jany supiarečać nacyjanalnym intaresam Biełarusi», — zajaviŭ lidar Partyi BNF Alaksiej Janukievič.
U pryniataj partyjaj śpiecyjalnaj zajavie adznačajecca, što «avanturnaja i ekanamična niepiśmiennaja palityka ŭładaŭ pryviała da źnievažalnaj zdačy častki nacyjanalnaha, palityčnaha i ekanamičnaha suvierenitetu na karyść tak zvanych nadnacyjanalnych intehracyjnych orhanaŭ, jakija całkam kantralujucca Rasijaj».
«Dalejšaje pahłybleńnie intehracyjnych pracesaŭ, praduhledžanaje padpisanymi 18 listapada dakumientami, pahražaje poŭnym źniščeńniem niezaležnaści našaj dziaržavy, rastvareńniem Biełarusi ŭ budučym Jeŭrazijskim sajuzie, jaki ŭ zajavach častki rasijskaj palityčnaj elity rasceńvajecca nie inakš jak «vialikaja dziaržava ruskaha naroda», — havorycca ŭ zajavie.
Partyja BNF ličyć, što ŭvachodžańnie Biełarusi ŭ Mytny sajuz z Rasijaj i Kazachstanam stała adnim z hałoŭnych składnikaŭ kompleksnaha«Uvachodžańnie z 1 studzienia 2012 hoda ŭ Adzinuju ekanamičnuju prastoru z hetymi ž dziaržavami niepaźbiežna vyklikaje dalejšaje paharšeńnie ekanamičnaha i sacyjalnaha stanovišča, śmierć nacyjanalnaha biźniesu i deindustryjalizacyju krainy», — adznačajecca ŭ zajavie.sacyjalna-ekanamičnaha kryzisu i masavaha źbiadnieńnia hramadzian u 2011 hodzie.
Akramia taho, Partyja BNF upeŭniena, što ŭdzieł Biełarusi ŭ jeŭrazijskaj intehracyi admoŭna paŭpłyvaje na pierśpiektyvy intehracyi krainy ŭ suśvietnuju ekanamičnuju i palityčnuju prastoru, a taksama abmiažuje mahčymaści jaje ŭdziełu ŭ ahulnajeŭrapiejskich prajektach, takich jak Uschodniaje partniorstva, što supiarečyć nacyjanalnym intaresam krainy.
Prezidenty Rasii, Biełarusi i Kazachstana 18 listapada ŭ Maskvie padpisali dekłaracyju ab jeŭrazijskaj ekanamičnaj intehracyi. U dekłaracyi baki abjavili ab pierachodzie da nastupnaha etapu intehracyjnaha budaŭnictva — Adzinaj ekanamičnaj prastory (AEP).
Baki taksama zajavili ab imknieńni zaviaršyć da 1 studzienia 2015 hoda kadyfikacyju mižnarodnych dahavoraŭ, što składajuć
Akramia dekłaracyi prezidenty padpisali dahavor ab Jeŭrazijskaj ekanamičnaj kamisii — novym nadnacyjanalnym orhanie, jaki budzie kiravać usimi intehracyjnymi pracesami.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary