Za tumanam ničoha nie vidna. BATE — «Viktoryja»: 0:1

90+3

Usio, BATE prajhraŭ.

90+1

Sudździa dadaje try chviliny da asnoŭnaha času.

90-aja

Zabić tak i nie ŭdajecca. Na žal, 0:1. Šancy na praciah baraćby zastajucca pryvidnymi. Dla hetaha treba pieramahać «Barsiełonu» ŭ haściach.

87-aja

Hančarenka adpraŭlaje ŭ ataku Simiča, ale i heta nie dapamahaje. Zaŭziatary rasčaravany paciahnulisia da vychadu.

83-jaja

Nie chapaje BATE apošniaha pasu. Času jašče krychu zastałosia.

77-aja

Panyła niejak apošnija chviliny. Nie chapaje hłybini i dumki atakam BATE. Z čymści padobnym na navał čechi spraŭlajucca biez prablem. Jašče paśpiavajuć i ŭ kantrataki biehać.

Voś i Kiežman źjaviŭsia. Čakajem cudam ad jaho.

69-aja

Hutar złaviŭ kuraž. Ciahnie prosta niejmaviernyja miačy. A jašče paśpiavaje ŭ kości ŭsypać abaroncam.

Paŭłava mianiaje Hardziajčuk. Moža, varta było b i Kiežmana kinuć u boj.

65-aja

Niechta z hulcoŭ BATE padaje ŭ štrafnoj «Viktoryi». Abureńnie trybun adčuvaje na sabie hałandski arbitr — pienalci jon nie pryznačyŭ.

59-aja

Atakuje BATE, starajecca. Tolki voś vyniku jak nie było, tak i niama. Hulać jašče paŭhadziny.

Adyhracca treba chacia b za Hutara. Nu tak jon starajecca ŭ varotach. Palavyja hulcy, patrymajecie bramnika?

53-jaja

Trybuny trochu ažyvilisia. Honiać svaich lubimčykaŭ napierad.

Pry absalutnym statyčnym stanoviščy abaroncaŭ na varoty vyvodzili Rajtarała. Hutar u blizkim boi na vyšyni.

Niebiaśpiečna atakavaŭ ciapier užo BATE. Miač ślizhanuŭ pa pierakładzinie, ale dabić jaho ŭ varoty nie było kamu.

46-aja

Čaju futbalisty papili, trošku sahrelisia. Tajm druhi.

Tuman jašče macniejšy. Moža, staŭka na dalokija ŭdary ŭrešcie daść plon?

45-aja

Hoł trošku abudziŭ našych. Było dźvie tałkovyja ataki. Ale biezvynikovyja. Na pierapynak.

43-ja

Dahulalisia. «Viktoryja» adkryła lik pry kancy pieršaha tajma. Toje samaje było i ŭ Prazie. Zabiŭ Marek Bakaš — 0:1.

Balelščyki paciahnulisia pa bielašy dy čaj, nie čakajučy śvistka na pierapynak. U pryncypie, hoł vynikaŭ z chady pajadynka.

38-aja

Čechi atrymali pieršaje papiaredžańnie ŭ hulni. Bistroń sfaliŭ na Bresanie ŭ centry pola. A voś štrafny razyhrali biazdarna.

Bačnaść usio paharšajecca. Tuman huścieje z kožnaj chvilinaj. Razhladać numary futbalistaŭ stanovicca ŭsio bolš składana.

Udar Vaładźko abudžaje trybuny. Efiektna, ale Čech usio bačyŭ.

33-ja

Atmaśfiera la varot BATE ŭsio bolej nakalajecca. Abarona i Hutar spraŭlajucca. Časta davodzicca źviartacca da tak nielubimaha vynasu.

BATE kantraluje miač u centry pola. Da varot padychodzić nie advažvajecca. Balelščyki aburajucca. Usio kančajecca dalokim udaram. Jak dumajecie, jaki vynik? Znoŭ mima.

26-aja

Hutar z-pad pierakładziny dastaje miač paśla ŭdara Pietržeły.

A ŭžo potym nie daje zabić Ševinski paśla rozyhryšu vuhłavoha. Čechi padajuć ich vielmi mnoha.

Para nad stadyjonam, jak u łaźni. Kab jašče i ciopła tak było.

21-aja

Tuman uzmacniajecca. Zdajecca, pry padobnym nadvorji BATE ŭžo hulaŭ u Lizie čempijonaŭ try hady tamu, suprać «Zienita». Dalokija ŭdary BATE pa-raniejšamu nie vielmi trapnyja.

Cudoŭny momant mieŭ Renan Bresan. Skarystaŭsia pamyłkaj abaroncy. Prabieh ź miačom z centra pola, ale znoŭ vyšej varot. Narešcie i ŭ BATE pačało niešta ŭdavacca ŭ atacy.

17-aja

Vyhladaje, što futboł budzie biez asablivaj ahladki na svaje varoty. Kamandy bolš cikaviać čužyja. «Viktoryja» padaje ŭžo piaty vuhłavy. Ciažka BATE ŭ pieršaj pałovie tajma. Zacisnuli nibyta heta zusim nie «Viktoryja», a «Barsiełona» znoŭ naviedała Minsk. Chacia nie, «Barsiełona» b užo takimi momantami skarystałasia.

BATE sprabuje pahražać varotam Čecha šlacham dalokich udaraŭ. Vyhady heta pakul nie prynosić.

12-aja

Vaładźko dalokim udaram praviaraje pilnaść Mareka Čecha. Ź pilnaściu ŭ jaho ŭsio narmalna.

Imklivaja kontrataka BATE prymušaje balelščykaŭ pieršy raz uziacca za hałavy. U temp biŭ Bresan paśla pasa Skavyša. Na žal, mima.

Na stadyjonam apuskajecca tuman.

Pasy nazad hledačam nie padabajucca. Nieadabralna śviściać. Navat na svaich.

Hutar praciahvaje ździŭlać svajoj kacinaj reakcyjaj.

6-aja

«Viktoryja» pakul atakuje lepš. Miač navat udaryŭsia ab sietku varot. Praŭda, zvonku.

U haściach čecham hulać moža navat i lepš, čym doma. Na čužych palach jany pieramahali takija krepkija kamandy, jak «Rusienborh» i «Kapienhahien».

4-aja chvilina

Nie budzie Hutaru lohkaha žyćcia ŭ hetaj sustrečy. Čechi namiaknuli na heta ŭ samym pačatku sustrečy. Ledź vyciahnuŭ miač z kuta.

A voś štrafny BATE choć i navioŭ lohkuju paniku, ale niebiaśpieki ŭ sabie nie taiŭ.

1-aja chvilina

Pajechali! Hałandziec Kievin Błom daŭ śvistok ab pačatku hulni. Našy ŭ žoŭtaja formie, «Viktoryja» — sinie-čyrvonaja. Amal jak «Barsiełona».

* * *

Stadyjon zapoŭnieny, vidać, pracentaŭ na 70 ci navat trošku mieniej. Hučyć himn Lihi čempijonaŭ, jak zaŭsiody, chvalujuča. U takija momanty najlahčej praniknucca atmaśfieraj.

Darečy, u pieršaj sustrečy kamand u Prazie była zafiksavanaja ničyja 1:1. Na plzieńcaŭ adkazali miačom Renana Bresana.

* * *

U vypadku pieramohi nad češskaj «Viktoryjaj» kamanda praciahnie baraćbu ŭ płej-of Lihi Jeŭropy. Ničyja taksama pakidaje dobryja šancy. A voś projhryš amal dakładna pakinie biełarusaŭ za zapavietnaj rysaj.

Nadvorje nie vielmi chałodnaje, ale imžyć. Ludziej zaŭvažna mieniej, čym było na matčach z «Barsiełonaj» i «Miłanam». Čechaŭ na trybunach, vidać, čałaviek 25.

U asnoŭnym składzie BATE vyjduć Hutar — Jurevič — Kancavoj — Vaładźko — Bresan — Skavyš — Paŭłaŭ — Bardačoŭ — Filipienka — Simič — Baha. Zatoje ŭ zapasie zastaŭsia Kiežman.

• 0
• 0
• 0
• 0
• 0
• 0
• 0
• 0