Ciapier jon u reanimacyi z apiokami
U papraŭčaj kałonii №5 Ivacevičaŭ asudžany sprabavaŭ učynić akt samaspaleńnia, paviedamlaje sajt infarmacyjna-aśvietnickaj ustanovy "Płatforma" sa spasyłkaj na ananimnuju krynicu ŭ turmie.
Trahiedyja adbyłasia viečaram 24 listapada. U vośmym atradzie kałonii, kala kabinieta načalnika atrada, asudžany Uładzimir Abuchievič (Abuchovič, Abuchoŭski), invalid 2-j hrupy, abliŭ siabie raspuščalnikam i padpaliŭ. Ahoń paśpieli patušyć, adnak mužčyna atrymaŭ surjoznyja apioki i byŭ dastaŭleny ŭ rajonnuju balnicu.
U reanimacyi Ivacevickaj CRB paćvierdzili, što chvory byŭ źmieščany da ich. Miedyki kanstatavali ŭ pacyjenta apiok 2—3-j stupieni 30% pavierchni skury, u asnoŭnym na vierchniaj častcy tułava.
Miedyki paviedamlajuć, što ciapier jon u prytomnaści, razmaŭlaje. Pryčyny, z-za jakich mužčyna sprabavaŭ siabie spalić, jany nie kamientujuć.
Pa čutkach, u źniavolenaha byli niejkija prablemy z administracyjaj kałonii,paviedamlaje "Płatforma". Infarmacyju ab zdareńni ŭ samoj kałonii kamientavać admaŭlajucca.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju
Kamientary