Na68-m hodzie žyćcia ŭ Pinsku pamior krajaznaviec, ekołah, fatohraf i žurnalist Alaksiej Dubroŭski.
Alaksiej Dubroŭski naradziŭsia na Barysaŭščynie. Vyšejšuju adukacyju atrymaŭ u BDU, dzie skončyŭ bijafak. Paśla pracavaŭ u navukovym adździele Nacyjanalnaha parka «Biełaviežskaja pušča», nastaŭnikam u Mahiloŭskim rajonie, adnak bolšuju častku žyćcia addaŭ Pinščynie, dzie byŭ inžynieram u prajektnym instytucie mielijaracyi «Paleśsiehidravodhaspadarka», načalnikam pošukavaj partyi, hałoŭnym śpiecyjalistam pa achovie pryrody. Kiravaŭ u tym liku i arhanizacyjaj novych zakaźnikaŭ na Brestčynie. U časy pierabudovy padtrymaŭ Biełaruski Narodny Front «Adradžeńnie»; z 1990 pa 1999 hady byŭ deputatam Pinskaha harsavieta.
U volny ad pracy čas Alaksiej Dubroŭski zajmaŭsia krajaznaŭstvam, zdymaŭ amatarskija filmy, raspracoŭvaŭ ekałahičnyja maršruty, vydaŭ niekalki knižak, pryśviečanych ekałohii, pryrodzie i historyi Paleśsia.Źjaŭlajecca aŭtaram niekalkich socień artykułaŭ na temy ekałohii, krajaznaŭstva, turyzmu i historyi, jakija rehularna drukavalisia ŭ biełaruskich i zamiežnych vydanńniach. U 2006 hodzie staŭ pieramožcam tvorčaha konkursu na lepšaje aśviatleńnie tem sacyjalnaha žyćcia, krajaznaŭstva i ekałohii Paleskaha kraju, jaki pravodziła Biełaruskaja asacyjacyja žurnalistaŭ siarod svaich siabroŭ u Pinskim rehijonie. Taksama ŭ 2006 hodzie ŭ Pinsku byŭ vydadzieny fotaalbom «Kraj pad biełymi kryłami», u skład jakoha ŭvajšli fotazdymki Paleśsia Alaksieja Dubroŭskaha.
Alaksiej Dubroŭski pamior ad infarkta za tydzień da dnia naradžeńnia. Pachavańnie adbudziecca ŭ Pinsku ŭ sieradu.
Kamientary