Uzłamanyja paroli ad administracyjnaj častki resursu, pišuć redaktary sajta. Natalla Radzina abiacaje adnavić uvieś archiŭ jak najchutčej.
Redakcyja sajta zaznačaje, što nie maje nijakaha dačynieńnia da materyjału «Dzie Sańnikaŭ?», raźmieščanaha na sajcie peŭny čas tamu. Vidavočna, što artykuł raźmiaścili tyja, chto ŭzłamaŭ, kab zhańbavać žonku palitviaźnia i jaho advakatku. Redaktary sajta miarkujuć, što toje zrabili łukašenkaŭskija śpiecsłužby.
Paźniej ad Chartyi pryjšło paviedamleńnie, što chakiery, jakija ŭzłamali sajt, vydalajuć jahony źmiest.
Chartystam nie adrazu ŭdałosia spynić uzłomnikaŭ. Mahčyma, techničnyja supracoŭniki sajta prosta nie pracavali ŭ hetyja pieradśviatočnyja hadziny. Materyjały na sajcie źnikali prosta na vačach. Pa stanie na 17.40 ich nie zastałosia zusim.
Vydaleny całkam i źmiest biełaruskamoŭnaj i anhłamoŭnaj staronak.
Tolki prykładna a 18.20, praz paŭtary hadziny paśla chaku, redaktaram sajta ŭdałosia całkam spynić dostup da jaho.
Natalla Radzina piša, što «hetaja biesprecedentnaja ataka tolki dakazvaje efiektyŭnaść našaj pracy». Chartysty abiacajuć adnavić uvieś archiŭ jak najchutčej.
«Siervier nie skampramietavany i słabinaŭ na samim sajcie niama, — piša electroname.com. — Złačyncy sumieli zavałodać parolem ad administratyŭnaj častki CMS i ŭručnuju vydalili častku archiva. Napad ažyćciaŭlaŭsia z IP
Imavierna, parol udałosia pierachapić z dapamohaj trajana, ustanoŭlenaha na adnym z kampjutaraŭ supracoŭnikaŭ sajta. Dostup da sajtu začynieny i ŭ najbližejšy čas kantent budzie adnoŭleny z bekapu. Paśla hetaha sajt zapracuje ŭ narmalnym režymie».
Nahadajem, što paśla Płoščy chartysty emihravali i pracujuć z-za miežaŭ Biełarusi.
23.30. Paśla šaści hadzin niačynnaści apazicyjny sajt iznoŭ dziejničaje.
U redakcyjnym zvarocie chartyjcy pišuć, što nie zmohuć adnavić kantent sajta za apošnija tydni. U toj ža čas asnoŭnaja častka archivaŭ zachavałasia. Vidać, chartyjcy nie rabili bekapaŭ rehularna.
Redaktarka sajta Natalla Radzina abiacaje niaźmiennaść svajho kursu. «My pieražyli hibiel Biabienina, niekalki kryminalnych spravaŭ i kanfiskacyju techniki. Paviercie, my pieražyviom i siońniašniuju ataku, — i dadaje, — a niechta z KDB i AAC atrymaje ŭ łob».
Ciapier čytajuć
Jany pajšli ad nas u 2025 hodzie. Zhadvajem biełarusaŭ, jakich my stracili3
Kamientary