«Kali niešta adbyvajecca, hramadstva pavinna mieć prava vykazać svaju niezadavolenaść», — miarkuje kiraŭnik RPC.
Kiraŭnik Rasijskaj pravasłaŭnaj carkvy (RPC) Kirył zaklikaŭ rasijskija ŭłady prysłuchacca da ludziej, jakija vykazvajuć niezadavolenaść palitykaj, što pravodzicca, i jakija pratestujuć suprać vynikaŭ vybaraŭ. Patryjarch Kirył zaklikaŭ ułady skarektavać palityčny kurs.
U kaladnym intervju dla telekanała «Rośsija» patryjarch Maskoŭski i ŭsiaje Rusi Kirył zajaviŭ, što nieŭsprymalnaść ułady da vykazvańnia pratestaŭ — heta drennaja prykmieta, «prykmieta niazdolnaści ŭłady da samanastrojki».
«Ułada pavinna nastrojvacca, u tym liku i usprymajučy sihnały zvonku… i karektavać kurs», — ličyć patryjarch.
«Kali niešta adbyvajecca, hramadstva pavinna mieć prava vykazać svaju niezadavolenaść», — dadaŭ kiraŭnik RPC.
Pry hetym Kirył padkreśliŭ, što Pravasłaŭnaja carkva nie zajmaje čyjści bok u sprečcy.
«Praŭda na makraŭzroŭni»
Pavodle kanstytucyi, Rasija źjaŭlajecca śvieckaj dziaržavaj, adnak mnohija ekśpierty źviartajuć uvahu na vielmi ciesnuju suviaź pamiž
Pravasłaŭnaj carkvoj i ŭładaj, jakija vielmi redka razychodziacca ŭ mierkavańniach i tradycyjna padtrymlivajuć adzin adnaho.
Kala 70% rasijanaŭ siabie pravasłaŭnymi chryścijanami, mnohija prysłuchoŭvajucca da mierkavańnia kiraŭnika RPC,
tamu dla bolšaści ekśpiertaŭ zajava patryjarcha stała niečakanaściu.
U śniežni ŭ mnohich haradach Rasii prajšli masavyja akcyi pratestu suprać vynikaŭ hałasavańnia na vybarach u Dziarždumu. Samyja bujnyja ź ich adbylisia ŭ Maskvie 10 i 24 śniežnia — na vulicy vyjšli dziasiatki tysiač čałaviek.
Demanstranty ličać vyniki vybaraŭ falsifikavanymi i patrabujuć ich admieny, a taksama adstaŭki kiraŭnika Centrvybarkama Uładzimira Čurava i praviadzieńnia sumlennych i prazrystych vybaraŭ prezidenta, pryznačanych na 4 sakavika.
U televizijnym intervju patryjarch Kirył zajaviŭ, što
dla dasiahnieńnia praŭdy pratestoŭcaŭ nieabchodna pierš za ŭsio «być praŭdzivymi samim z saboj».
«Kali my tvorym niapraŭdu ŭ našym asabistym, siamiejnym žyćci, u śfiery našaj prafiesijnaj, čamu tak horača patrabujem, kab praŭda ažyćciaŭlałasia dzieści na makraŭzroŭni, a na mikraŭzroŭni jaje nie pavinna być?» — zaŭvažyŭ patryjarch.
Kiraŭnik RPC miarkuje, što pryčyna składanaści adnosin hramadstva i ŭłady — u biurakratyi. Pavodle jaho słoŭ, najbolšaja niezadavolenaść u Rasii vyklikaje nie vyšejšaja ŭłada ŭ asobie vysokapastaŭlenych čynoŭnikaŭ, a biurakraty nižejšaha ranhu, jakija «kašmarać» prostaha čałavieka.
«U nas što, narod maje znosiny z prezidentam, ministrami? U nas majuć znosiny ź milicyjantami, z kiraŭnikami kampanijami ŽKH, tyja ž samyja ŽEKi i DIEZy», — skazaŭ Kirył.
Patryjarch, adnak, paźbieh pramoha ŭmiašańnia ŭ kanflikt pamiž uładaj i apazicyjaj, padkreśliŭšy, što carkva nie moža pryniać čyjści bok pa acency vynikaŭ vybaraŭ,
bo «prychadžanie — i siarod tych, chto byŭ na płoščy, i siarod tych, suprać kaho vystupała płošču «.
«Słova carkvy nie moža być palityzavanym, jano nie moža być niezbałansavanaje ŭ samym pryncypovym sensie hetaha słova», — skazaŭ Kirył.
Niezadoŭha da vychadu intervju ŭ efir patryjarch Kirył pavinšavaŭ prezidenta RF Dźmitryja Miadźviedzieva z Kaladami padčas ich sustrečy napiaredadni śviata na ŭračystaj słužbie, jakaja adbyłasia ŭ Carkvie Chrysta Zbaŭcy ŭ Maskvie.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj86
Kamientary